Hindi na niya namalayan ang paguwi ng asawa. Paggising niya nasa tabi na niya ito at nakayakap sa kanya. Tinitigan niya ang mukha nito.
"Sana hindi mo magawang saktan ako ulit. Alam kong mali ang nararamdaman kong pagdududa."
Nadako ang mata niya sa may leeg nito nang makakita siya ng pula sa bandang iyon, hinawakan niya ito.
"Lipstick? Bakit may lipstick sa leeg nito?" malakas ang kabang nararamdaman niya. Nang tingnan niya ulit ang asawa mayroon pa ito sa may dibdib niya. Inamoy niya ang leeg nito, pabango ng babae ang nakadikit sa balat nito.
Napabangon siya at patakbong pumunta ng banyo. Doon niya ibinuhos ang sakit na nararamdaman niya. Hindi niya magawang komprontahin ito, dahil hindi sapat ang ebedensiya niya. Kaya nagpunas siya ng luha at bumababa sa kusina.
Nagluto na lang
