انتي ملكي

part 3

اتصدمت شغف لما الباب اتفتح

شغف حطت ايديها علب قلبها:اي ي ياسمين خضيتيني

ياسمين:شغف الحقي اسر بيه طالع

شغف:ايه طيب يلا بسرعه وخرجوا من الاوضه سرعه

شكرا اوي ي سمسمه مش عارفه من غيرك كنت هعمل ايه لولا مساعدتك ليا اني ادخل مكنتش هعرف اشوفه

ياسمين :عيب كده ي شغف شكرا ايه انتي اختي مش بس جارتي ولما حكيتيلي اللي حصل كان لازم اساعدك

شغف:طيب انا همشي دلوقت وهاجي بكره

ياسمين:مع السلامه ي حبيبتي

ومشت شغف:الحمدلله اسر مشافنيش وبعدين رجعت البيت خبطت علي حنان

حنان:شغف جيتي بدري النهارده

شغف:ايوه ياستي مقعدتش في المستشفي كتير

حنان :طب انا عايزاكي تحكيلي حكايتك مصطفي مش راضي يحكيلي

وفجأه خرجت شروق تجري علي شغف

شروق:ماما جيتي بدري

شغف :ايوه ي حبيبتي جيت اقعد معاكوا

حنان:شروق روحي اقعدي مع شمس وجاسم علشان عايزه ماما في موضوع

شروق:حاضر ومشت

حنان بحماس:يلا احكيلي

شغف:طيب اقعدي

شغف :بصي ي ستي من وانا صغيره كان في مشاكل كتير بين عيله بابا وبعضها حتي عائله ماما بردو نفس الكلام مكانش ليا حد غير بابا وماما وشروق اما بقي القرايب فأنا قرايبي كلهم بيكرهوا بعض بسبب الفلوس خلوني معرفش معني كلمه قرايب لدرجه اننا لما حد بيموت فيهم مش بزعل عليه اكتر من خمس دقايق واحتمال اكون مش بزعل خالص وكمان في اوقات بتمني انهم يموتوا المشكله ان الواحد مش بياخد حاجه معاه اما يموت بيسيب كل حاجه لعياله علشان يبدأوا حرب جديده مع الميراث ويتظلم حد تاني طب ليه كل ده ليه واحنا مش بناخد حاجه واحنا بنموت الطمع حاجه وحشه أوي احسن حاجه اني مكبره دماغي معدتش بفكر في اي حاجه الا اني اكون مبسوطه حتي لو في حاجه تزعلني باخد خمس دقايق زعل وشكرا علي كده يمكن انا اكتر حد بكره الفلوس المهم ياستي من وانا صغيره ماما كانت تعبانه كان فيه مشاكل بين بابا وعمي بس ماما ومرات عمي كانوا بيحبوا بعض المهم لما ماما تعبت مرات عمي رضعتني بعد ما بنتها هدير الله يرحمها ماتت كان عندها مشكله في القلب ماتت وهي عندها اسبوع فكانت مرات عمي بتعتبرني بنتها وطبعا بكده ابقي اخت مصطفي في الرضاعه انا وهو كنا متعلقين ببعض بس كان الوضع مش عاجب عمي طول عمره بيحاول يبعدنا عن بعض وعن مرات عمي كمان فضلنا في مشاكل كبرت انا لحد ما بقي عندي 18 سنه بعد امتحانات الثانويه العامه وقتها شروق كان عندها 4 سنين وصلي خبر ان بابا وماما عملوا حادثه وماتوا حسيت اني بقيت لوحدي اتصدمت بعد ما اهلي ماتوا ومبقاش ليا حد انهارت وقتها مصطفي حاول انه يساعدني بس باباه كان بيزعقله المهم اخدت شروق وهربت كان معايا فلوس قليله روحت سكنت في حاره صغيره وكنت مش عارفه اعمل ايه وانا لوحدي المهم اشتغلت في محل ملابس بتاع راجل طيب اوي فضلت اشتغل فيه واصرف علي شروق واصرف علي كليتي دخلت كليه تجاره المهم قضيت 5 سنين بشتغل واصرف علي شروق لحد ما بقي عندها 9 سنين وانا كان عندي23 سنه لقيت اعلان لشركه طالبه محاسبين روحت قدمت في الشركه

فلاش باااك

اول ما دخلت الشركه لقت بنات كتير مقابلينها وكلهم لابسين لبس غالي بس كله مكشوف وقصير وحاطين ميكب كتير ومنظر مقزز وكلهم كانوا بيبصولها بتكبر بس هي كانت الاحلي ما بينهم رغم فستانها البسيط وخمارها اللي بيميزها مخليها زي الملكه ومش حاطه ميكب قعدت شويه مستنيه دورها وكل اما تشوف واحده خارجه من مكتب المدير تلاقيها مكشره وشها او بتعيط فخافت اوي وخافت اكتر لما علي صوته وزعق لواحده هي متعرفش السبب اللي بيزعق علشانه المهم جه دورها فدخلت وهي حاطه وشها في الارض

شغف بصوت هادي بس متوتره لانها لاقت المدير شاب هي كانت مفكراه راجل كبير في السن:السلام عليكم

ادم رفع وشه وبصلها شاف ملاك قدامه غير كل اللي دخلوا جمالها طبيعي قعد يتأملها شويه بس بعدين غض بصره ورجع بص للورق تاني وقال بهدوء :عليكم السلام اتفضلي اقعدي وهاتي ال c.v بتاعك ادتله الورق وهي ايديها بترتعش فهو حس بتوترها

ادم:اهدي انتي خايفه كده ليه

شغف :مش خايفه ولا حاجه

ادم:اسمك شغف ا***ذلي خريجه كليه تجاره الاولي علي الدفعه اربع سنين بس معندكيش خبره مااشتغلتيش قبل كده

شغف:مفيش شركه كانت بتقبل تشغلني

ادم:ليه

شغف:الحجاب كلهم كانوا يقولوا انتي هتشتغلي في شركه كبيره مينفعش تبقي بالتخلف ده بس الحجاب مش تخلف دايما كانوا بيخيروني بين الشغل والحجاب فكنت بختار الحجاب وعارفه اني مش هتقبل هنا كمان سلام عليكم وقامت تمشي

ادم باعجاب من تدينها:استني انا مقولتلكيش تمشي اقعدي هنكمل وقعد يسألها كتير وهي تجاوب

ادم:تمام ي انسه شغف انتي اتقبلتي

شغف وعينيها بتلمع بفرحه:بجد

ادم:بجد ياستي علي فكره عايز اقولك حاجه الحجاب عمره ماكان تخلف لازم اول حاجه تتمسكي بدينك وبعدها كل حاجه هتبقي كويسه تحبي تبدأي الشغل من النهارده ولا بكره

شغف:من النهارده لو حضرتك تسمح يعني

ادم :تمام تعالي معايا وقام من مكانه مشي قدامها وداها مكتبها وقالها انسه نجلاء هتفهمك الشغل وكل حاجه يلا بالتوفيق بتبص لقت نجلاء بنت بسيطه محجبه بردو وجميله

ادم بص لنجلاء :نجلاء انسه شغف المحاسبه الجديده عايزك تفهميها طبيعه الشغل

نجلاء:تمام ي بشمهندس اتفضلي ي انسه شغف

ادم:سلام عليكم ومشي

نجلاء:كنت متاكده ان مستر ادم مش هيختار واحده من البنات الملونه اللي بره دي?

شغف :ليه انا لاحظت ان اكتر اللي شغالين في الشركه رجاله واما شوفتك استغربت محجبه وكده واما قبلني استغربت اكتر

نجلاء:بصي ي ستي بشمهندس ادم يبقي ابن صاحب الشركه مسك الشركه بعد موت والده كانت الشركه وقتها قربت تفلس رجع وقفها علي رجلها تاني هو وابن عمه بيعامل كل اللي بيشتغلوا فيها باحترام في حاجات بيعملها هو بنفسه كل العمال بيحبوه مبيحبش الحال المايل وبني مسجد صغير جنب الشركه بيصلي فيه هو والعمال ملتزم جدا بجد ربنا يبارك فيه هو وابن عمه مثال للادب والاخلاق انا رغيت كتير اوي تعالي بقي ي شغف اعرفك الشغل

شغف باعجاب:ربنا يحميه ويثبته علي دينه تمام يلا نبدأ

بااااااااك

فاقت واتن*دت وحشني اوي ربنا يقومه بالسلامه

حنان :ياااارب

شغف:هكملك بكره بقي

حنان:مش هسيبك الا لما تحكيلي

وفجأه الباب اتفتح وكان مصطفي وصل

مصطفي:سلام عليكم ايه ده قمرين قاعدين في بيتي وبتمثيل قلبي لايحتمل?

شغف:??شكلك عايز حاجه من حنان فداخل حنين كده

مصطفي:لا والله دايما ظالمني دانا عسل والله

حنان:اه مانا عارفه??

مصطفي:اومال الاولاد فين

حنان :شروق قاعده معاهم

مصطفي:تمام اوي اقعدي نتغدي كلنا مع بعض

وفجأه شروق خرجت بشمس وهي بتعيط

شغف اخدتها طيب ي جماعه شكلها جعانه هقوم ااكلها وانيمها واجي

حنان :ماشي ي حبيبتي

اكلت شمس وبتلاعبها

شغف:عارفه ي شموسه بحب اتف*ج عليكي وانتي صاحيه اوي عنيكي شبه عين باباكي وحشتني عيونه اوي وحشني الامان اللي كنت بحس بيه معاه

نامت شمس وخرجت شغف واتغدوا مع بعض في جو عائلي كله هزار وحب