انتي ملكي

part2

فجأه دخل الدكتور : اسر بيه مفيش اي استجابه من المريض احنا لو فصلنا الاجهزه نبقي بنريحه هو كده في حكم الميت ده بقاله سنه في الغيبوبه

اسر :مش انت اللي تقرر نفصل الاجهزه عنه ولا لأ طول ماهو بيتنفس خلاص احنا بندفع للمستشفي كويس اوي اظن مش هتحتاجوا اكتر من اللي بتاخدوه لو فكرت بس تشيل الاجهزه هشيل رأسك من علي رقبتك فاهم

الدكتور بخوف:فاهم انا اسف اوي ومشي الدكتور

اسر:قال عايزين يشيلوا الاجهزه انا متاكد انك هتقوم مستحيل تسيبني انا همشي دلوقت ياادم وهجيلك بكره ي حبيبي اتمني تتحسن بسرعه بقي كل الموظفين اللي في الشركه بيدعولك ي ادم كلهم بيحبوك الناس كلها بتحبك عارفين ان وراء الشخص القاسي ده قلب حنين بيخاف من ربنا مع السلامه ي صاحبي ومشي اسر

مراد(والد اسر):اسر روحت لادم

اسر :ايوه ي بابا

مراد:طب اخباره ايه

اسر:زي ماهو الدكاتره كانوا عايزين يشيلوا الاجهزه

مراد:للدرجه دي ربنا يقومه بالسلامه

اسر:ياااارب هي مريم فين

مراد:فوق ي حبيبي اطلعلها

اسر:باس ايد باباها انا طالع ي حج وطلع اوضته دخل لقي مريم قاعده راح باس راسها

اسر:حبيبتي عامله ايه النهارده واخبار حبايب بابا العفاريت دول ايه

مريم:احنا الحمدلله ي قلبي راجع بدري يعني النهارده

اسر:تعبان اوي ي مريم

مريم بلهفه:ليه ي حبيبي مالك

اسر:كنت عند ادم حالته وحشه اوي نفس داخل خارج بس الدكاتره عايزين يشيلوا الاجهزه بيقولوا مفيش امل بس انا بردو لسه متاكد انه هيقوم عندي ثقه انه مش هيسبني

مريم:اهدي ي حبيبي ان شاء الله هيفوق انت بس ادعيله ربنا يشفيه ويقومه بالسلامه شغف وشروق وحشوني اوي ي اسر انا مش مصدقه الكلام اللي طنط قالته ده شغف اكيد معملتش كده

اسر:انا كمان مش مصدق في حقيقه ناقصه ارتاحي انتي بس والحقيقه هتبان اكيد

تاني يوم عند شغف صحت من النوم وصحت شروق للمدرسه واخدت شمس توديها عند مصطفي علشان تنزل الشغل خبطت عليهم فتحت حنان

حنان وهي شايله ابنها جاسم اللي عنده ثلاث سنين :اهلا شغف تعالي ي حبيبتي دخليها دخلت شغف حطت شمس علي السرير وهي نايمه وحنان حطت جاسم جنبها وطلعوا بره

شغف:معلش ي حنان عارفه اني متقله عليكي بس مقدرش اخدها معايا الشغل انتي عارفه

حنان:انتي ع**طه دي بنتي وبعدين مانا قاعده اهو مبعملش حاجه والله بيسلوني طول اليوم بدل القعده لوحدي ومصطفي في الشغل

شغف:ربنا يخليكوا يا قلبي انا هنزل اروح الشغل واودي شروق المدرسه مع السلامه

حنان :ربنا معاكي ي حبيبتي

نزلت شغف ودت شروق المدرسه وبعدين راحت الشركه اللي بتشتغل فيها صاحبها راجل طيب بيعتبرها بنته بتشتغل عنده بقالها سنه محاسبه فهي خريجه كليه تجاره وبتحب شغلها جدا دخلت الشركه وراحت علي مكتبها وبدأت شغل وهي بتشتغل سرحت شويه وافتكرت ادم

فلاش باك:

كانت واقفه قدام المرايا بتظبط شعرها جه ادم حضنها من ظهرها

ادم:ايه القمر ده ي شغفي

شغف:انت ليه بتقولي شغفي

ادم : انتي شغفي بالنسبه ليا الهواء اللي بتنفسه انا من قبلك حاسس اني مكنتش عايش كان نفسي اقابلك من زمان اول مره شوفتك شديتيني فيها وغضيت بصري علشان مشيلش ذنب ولما اتكلمت معاكي حسيت انك انسانه بريئه وملتزمه ولما شوفت شروق بتقولك ي ماما استغربت اوي خوفت تكون بنتك بجد بس انتي كان سنك صغير فلما قولتيلي انها اختك فرحت اوي ربنا يخليكوا ليا انتو مليتوا عليا حياتي

شغف:ربنا يخليك ليا يادومي انت احن راجل في الدنيا انا بجد محظوظه اني قابلتك

ادم:طيب ي حبيبتي انا هنزل الشغل بقي عايزه حاجه اجيبها وانا جاي

شغف:لا ي حبيبي عايزه سلامتك

مشي ادم واتبقت هي في الفيلا وكانت ام ادم تحت

فجأه لقت الباب بيخبط

ام ادم(صفيه):انتي ي زفته اخرجي يلا بلاش دلع علشان تشوفي شغلك ولا هتفضلي تاكلي ببلاش كده وقاعده مالكيش لازمه

شغف:حاضر طالعه اهو لبست العبايه وطرحتها وطلعت

صفيه:يلا روحي نظفي المطبخ ياختي اعملي بلقمتك مش هناكلك انتي واختك علي الجاهز

شغف:ممكن اعرف حضرتك بتعامليني كده ليه

صفيه :يعني مش عارفه ليه انتي وقعتي ابني في شباكك وضحكتي عليه علشان يتجوزك وبقي بيصرف عليكي انتي واختك داحنا حتي منعرفلكيش اهل انتي مش من مستوانا يعني يسيب شاهندا بنت اختي علشان يتجوز واحده اخرها تشتغل خدامه

شغف:الدموع كانت محبوسه في عنيها بس هي مبتحبش تبان ضعيفه:ماشي ي هانم كتر خيرك انك مستحملانا وراحت علي المطبخ تنضفه وكانت بتعيط وبتقول طب انا عملت ايه في حياتي يارب علشان يحصلي كده ذنبي ايه اني يتيمه طول عمري وانا بشتغل وحافظه كرامتي وبصرف علي نفسي غلطت في ايه علشان تكرهني كده انا عمري مااذيتها كل ده علشان حبيت انا اللي مخليني مستحمله الاهانه هو ادم انا متاكده انه مش هيتخلي عني ابدا وانا كمان بحبه اوي يارب ساعدني وابعدها عني وكملت تنضيف

بااااااك

فاقت شغف ومسحت دمعه نزلت من عينيها مش عارفه ليه حاسه انك السبب في اللي حصلي يلا ربنا يهد*كي ويقومك بالسلامه ي حبيبي والحقيقه تظهر ان شاء الله وكملت شغلها لحد وقت الانصراف فنزلت راحت المستشفي وبردو دخلت اوضته من غير ما حد يشوفها

شغف:هونت عليك تعمل فيا كده ي ادم انا عارف ان المنظر اللي شوفته كان صعب بس كان المفروض تسألني او تديني فرصه اشرحلك اللي حصل وعيطت انا عارفه انك لما تقوم هتبقي بتكرهني وتفتكر ان اننا السبب في اللي حصلك بس انا والله مظلومه نفسي تفوق بقي وانا مش هظهر في حياتك تاني بس ارجوك ارجع تاني انا مش مستحمله اشوفك كده نفسي تاخدني في حضنك زي زمان كنت بتحسسني بالامان عمري ماخوفت من حاجه وانت جنبي كنا بنعمل كل حاجه مع بعض حتي الصلاه كنت دايما امامي كنت بتساعدني في حفظ القران كنت قدوتي في كل حاجه وحشتني غيرتك عليا لمستك ليا معاك كنت بحس اني ملكه بنسي الدنيا كلها وانت جنبي كان نفسي تبقي معايا وانا بولد وتبقي اول واحد تشيل بنتك سميتها شمس فاكر الاسم ده كنت بتقولي نفسي في بنوته نسخه منك واسميها شمس علشان دي هتبقي الشمس اللي نورت حياتنا اهو انا حققتلك امنيتك بس للاسف انت متعرفش بوجودها اصلا ياتري بعد كده لو عرفت هتعترف بيها ولا مش هتصدقني شروق بتسألني عليك كتير بتقولي بابا مبقاش بيجي عندنا وعيطت وحشتني اوي وفجأه الباب فتح وشغف اتصدمت

*********************

يتبع