انتي ملكي

part 1

نبدأ في اوضه كبيره في مستشفي راقيه وفي شاب متوصل باجهزه يبان من شكله أنه في بدايه ال*قد الثالث وهو ادم المنياوي رجل الاعمال المعروف وفي بنت قاعده بتعيط جنبه وبتقرأ قران ولو بصينا هنلاقيها بنت في منتصف ال*قد الثاني جميله جمال هادي قصيره عيونها عسلي جسمها متناسق لابسه فستان اسود طويل وحجاب نبيتي وهي شغف ا***ذلي فجأه قفلت المصحف وراحت قعدت جنبه ومسكت ايده وبتعيط

شغف :كل ده ياأدم مش ناوي تقوم بقي انا مش عارفه اعيش من غيرك ارجوك كفايه كده عارفه انك بعد ما تقوم مش هتخرجني من حياتك بس اعمل ايه دانا حتي ملحقتش اقولك اني مظلومه وانك فهمت غلط انت بس قوم ومش هتشوفني تاني بس ارجوك قوم يااارب انت العالم بحالي وعارف اني مظلومه ومعملتش حاجه انصرني ياااارب وقومهولي بالسلامه معقوله سنه كامله في غيبوبه وحشتني عيونك اللي كنت بشوف فيها حنان الدنيا كله الناس كلها بتفكرك قاسي بس انا عارفه حقيقتك عارفه انك مش كده حتي لما بجيلك بضطر اتسحب زي الحراميه علشان ميشوفونيش وانا دخلالك ويحرموني من اني اشوفك فاكر ياأدم حياتنا مع بعض سيبتني حتي ملحتش اقولك اني حامل ودلوقت بقي عندك بنوته زي القمر اسمها شمس لسه صغنونه اوي ي ادم عندها عيونها زرقاء زي لون البحر اخدت لون عيونك بتفكرني بيك وفجأه موبايلها رن

شغف:الو ايوه ي مصطفي

مصطفي:انتي فين ي بنتي شمس عماله تعيط حنان بتحاول تنيمها من بدري ومش عارفه

شغف:انا جايه حالا مع السلامه

وقفلت وبصت لادم هضطر امشي ي حبيبي وهجيلك بكره في نفس المعاد وباست جبينه وخرجت بسرعه قبل ما حد يشوفها وركبت تا**ي ووصلت عند عماره شكلها قديم طلعت وقفت قدام شقه ورنت الجرس خرجت حنان

حنان:اهلا شغف تعالي ي حبيبتي ادخلي

دخلت شغف وقعدت وكان البيت واخدت شمس في حضنها واول ما شالتها بطلت عياط وبدأت تنام

مصطفي:ايه ي بنتي كنتي فين

شغف:مانتوا عارفين اول ما خلصت الشغل روحت المستشفي اطمن علي ادم وجيت علطول

مصطفي:ادم تاني ي شغف مش كفايه اللي عمله فيكي ده كان هيموتك ده حتي مسمعلكيش انتي كنتي هتخسري بنتك من قبل ماتيجي علي الدنيا ده شك فيكي

نزلت دمعه من عين شغف :انا مش هسامحه ي مصطفي انا هفضل جنبه لحد ما يخرج من ازمته وبعدين هسيبه اول مايفوق انا مش هقدر انسي اهانته ليا مهما ان كنت بحبه انا عارفه المنظر اللي شافه صعب واي حد مكانه كان هيصدق بس هو كان المفروض يبقي واثق فيا

مصطفي:انتي بتحطيله الف عذر بس هو بردو غلطان واما يفوق هيعمل ايه ولا هيعبرك هو بيعتبرك خاينه وطول ما مامته بتلعب في دماغه هيفضل كده مش هيسمعلك حتي

شغف:انا اصلا اول ما يفوق مش هروحله تاني انا هفضل جنبه لحد مايقوم بالسلامه بس

مصطفي:طب افرضي مامته شافتك مش هتسيبك ي شغف احنا ماصدقنا انك بعدتي عن اذاها

شغف:متشيلش هم كل حاجه هتبقي بخير المهم قولي شروق وجاسم ابنك فين مش سامعه صوتهم يعني

مصطفي:شروق رجعت من المدرسه نامت ياستي اما جاسم حير حنان علي ماانام مطلع عنينا الواد ده انتي عارفه شروق صعبانه عليا اوي كانت بتعتبر ادم باباها

شغف:ادم كان حنين علينا اوي انت متعرفش كان بيعامل شروق ازاي عمره ماحسسها انه جوز اختها كان باباها بمعني الكلمه شروق مش بتعتبرني اختها انا مامتها انا اللي ربيتها بعد ما بابا وماما ماتوا وهي عمرها اربع سنين وسابوهالي كنت بشتغل وانا عندي 18 سنه علشان اعيش انا وهي علشان اقدر اعلمها واربيها

مصطفي:ياما اتحايلت عليكي اساعدك مكنتيش بتوافقي لا وهربتي علشان معرفش طريقك انتي واختك واختارتي تعيشي انتي وهي لوحدكوا وتربيها لوحدك زي ما تكوني ناسيه ان ليكي اخ احنا اه ولاد عم مش شققه بس بردو انا اخوكي في الرضاعه يعني اخوات

شغف:انت اخويا ي مصطفي ومقدرش استغني عنك بس انت عارف والدك الله يرحمه مكانش بيحبني وكان فيه بينه وبين بابا مشاكل مكنتش عايزه اسببلك مشاكل في حياتك وكنت عايزه ابني نفسي بنفسي

مصطفي:الله يرحمه ويسامحه علي اللي عمله

شغف:ربنا يرحمه

حنان:القعده قلبت حزن فجأه كده خلاص ي جماعه كفايه انا خلاص هعيط

مصطفي:طول مانتو في حياتي مفيش حزن ابدا وبيبصوا يلاقوا بنوته جميله طالعه شعرها طويل وهي شروق اخت شغف بنوته ملامحها جميله شبه اختها جدا بتحب الضحك والهزار بتملي المكان بهجه

شروق:ماما اتاخرتي كده ليه

شغف:معلش ي حبيبتي الشغل

شروق :ماما هو بابا مش بيجيلنا ليه عدي سنه دلوقت ومجاش

شغف: ي حبيبتي هو مسافر اول ما يرجع هيجيلك ان شاء الله يلا بقي هسيبكم وارجع البيت هموت من التعب

مصطفي :ماشي ي حبيبتي روحي انتي ارتاحي

خرجت شغف ودخلت الشقه المقا**ه لشقه مصطفي وقفلت الباب وحضرت الاكل وقعدت كلت مع شروق وبعدين ذاكرتلها شويه وبعدها صلوا العشاء وشروق دخلت تنام علشان تصحي الفجر كالعاده اما شغف فدخلت اوضتها اللي بتشهد علي دموعها كل يوم واحساسها بالظلم بس بردو بتحاول تلاقي لأدم الف عذر لان اي حد مكانه كان هيصدق قعدت تقرأ قران وتدعي لادم انه يرجع تاني لحياته حتي لو مش هيبقي معاها

اما في المستشفي في اوضه ادم كان قاعد شاب وسيم في بدايه ال*قد الثالث قوي باين علي ملامحه الحده وهو اسر المنياوي ابن عم فهد وصاحب عمره واخوه في الرضاعه وشريكه وتقريبا كده هو بس اللي دايما يروح يزوره في المستشفي يعني مامته مراحتش عنده غير مرتين طول السنه اما اسر فهو اللي معاه دايما

اسر:ايه ي صاحبي طولت عليا اوي ي ادم مش متعودين نفترق خالص من واحنا صغيرين سبتني حتي من غير مااعرف ايه اللي حصلك انا لسه لحد دلوقت مش مصدق كلام مامتك في اللي حصل وان شغف مش كويسه عايز اعرف ايه اللي حصل ياادم وصلك لدرجه انك داخل في غيبوبه ورافض ترجع لحياتك معقوله شغف السبب بس اكيد لأ دي كانت بتعشقك ي صاحبي اكيد في حاجه غلط انا هعرفها ومتزعلش من مامتك ي ادم علشان مبتجيش تقعد معاك انا معاك ومش هسيبك ابدا انت عارف هي طول عمرها بتهتم بالموضه (وبسخريه )ماهي سيده مجتمع بقي المهم انت وحشتني اوي الشركه بتكبر ياادم زي ماتكون موجود فيها بالظبط حلمنا بيتحقق ي صاحبي بقت اكبر شركه انا جيت النهارده افرحك انا هبقي اب ياادم اخير بعد اربع سنين جري علي الدكاتره لحد ما تعبت بس الحمدلله ربنا عوضني ومريم حامل في تؤام هتبقي عم ياادم قوم بقي علشان تبقي اول واحد تشيلهم

فجأه دخل الدكتور : اسر بيه مفيش اي استجابه من المريض احنا لو فصلنا الاجهزه نبقي بنريحه هو كده في حكم الميت ده بقاله سنه في الغيبوبه

************************

يتبع

فوت وكومنت ❤