"HINDI nagtagumpay ang mga tauhan natin na kunin ang kapatid ng Señorito. May tumulong po sa anak ninyo para mabawi ang anak ni Nariza. Ano na ang gusto niyong gawin namin, Don Miguel?"
"Ang Triple X na naman ba?" tanong ng Don habang abala sa pagtitipa sa kanyang laptop. Abala siya sa ginagawang presentasyon para sa meeting niya mamaya.
"Hindi po. Ayon sa mga tauhan natin ay isang babae ang nakaharap nila. Magaling daw makipaglaban ang babae, higit na mas magaling kaysa sa anak ninyo at sa ibang miyembro ng Triple X."
Nag-angat ng tingin ang Don bago sumandal sa upuan niya. Higit na mas magaling kaysa sa kanyang anak? Isang babae? Gusto niyang matawa sa gano'ng isipin. Paano nangyari na natalo ng isang babae lamang ang mga tauhan na ipinadala niya? Hindi kaya ay gumagawa lamang ng kuw
