UWIAN na at matiyagang naghihintay si Georgette sa labas ng kanilang silid. Nagpaalam saglit si Chantal na pupunta ito sa banyo kaya hinintay niya ang pagbabalik ng kaibigan. Kakausapin niya ito at ipapaalam ang tungkol sa pag-alis ni Lyndsy. Batid niya na masasaktan si Chantal sa ginawa ng kanilang kaibigan subalit susubukan niya ang ipa-unawa rito ang pinagdadaanan ngayon ni Lyndsy. Gagawin niya ang lahat upang kahit papaano ay hindi maapektuhan o masira ang pagkakaibigan nilang tatlo.
"Georgette."
Nabaling ang tingin ni Georgette sa gilid nang marinig ang boses na tumawag sa kanyang pangalan. Natanaw niya ang papalapit na si Rage kaya napabuga nang malalim na paghinga ang dalaga. Gaya ng dati ay mukhang batid na niya ang intensyon nito.
"Georgette, let's talk. May mga iaalok ako sa '
