Bumigat ang bawat segundo. Ang katahimikan ng kalsada ay biglang naputol nang sumirit ang unang bala, dumaan ito sa windshield ng isa sa mga sasakyan sa unahan. Napasigaw ako at agad akong niyakap ni Atticus, itinago niya ang ulo ko sa kanyang dibdib habang mabilis na tumugon ang mga tauhan sa unang putok.
Sunod-sunod na ang putok ng baril. Nag-echo sa makipot na daan ang mga tunog ng bala, tumama sa bakal, salamin, at pader. Mula sa bubungan ng mga gusali, nagsulputan ang mga anino. Mga assassin, nakaitim at may dalang high-powered rifles. Parang mula sila sa dilim at sabay-sabay nagpaulan ng bala.
“Down!” malakas na utos ni Athena mula sa sasakyan sa unahan. Tumalon siya palabas, walang takot, hawak ang dalawang pistol na sabay niyang pinaputok. Bawat putok ay tumatama, mabilis at eksa
