“The province is surrounded with his men, Mrs. Koznetsov, with the help of Lacson security.”
Napakurap ako sa narinig mula kay Leo. Ang tinig niya ay malamig ngunit may bigat na nakapapawi ng konting kaba. Mula nang umalis si Atticus para asikasuhin ang isang napakaimportanteng bagay, si Leo ang iniwan niyang bantay at katiwala sa akin.
Bahagya akong napatigil sa pag-inom ng tsaa. Ang simpleng tahimik na hapon ay biglang nabahiran ng pakiramdam na parang may nakasilip sa bawat sulok ng bahay, na bawat anino sa paligid ay maaaring magdala ng panganib.
“Leo…” mahina kong tawag, pilit na pinapatatag ang boses ko kahit halata ang pangangatog. “Kung ganoon, ibig sabihin… alam na nila na nandito kami?”
Marahan niyang tumango. Ang kanyang mga mata, na sanay sa pakikipagdigma at laging malamla
