“Galit ka ba?” tanong ko kay Quinn. Halata sa mukha niya na napilitan lang siyang pahigain ako sa braso niya. “Umuulan na nga tapos sinasabayan mo pa.”
“Sshh. ‘Wag ka ngang maingay.”
“Ha? Bakit?” Maingat niyang inalis ang braso ko sa ulo niya at pagkatapos ay bumangon siya para sumilip sa bintana kaya kinabahan ako kaya bumangon rin ako ng wala sa oras.
“Quinn, parang umiiyak ‘yong mga manok mo,” pabulong kong sabi sa kaniya. “May nangyayari yata sa kanila.”
“Stay here,” sa halip ay sagot niya. “Titingnan ko lang kung ano ang nangyayari sa labas.”
Hinawakan ko ang kamay niya bago pa man siya makalabas. “Kailangan mo ba talagang lumabas? Ang lakas ng ulan kaya delikado.”
“May nagnanakaw ng mga manok ko kaya lalabas ako para tingnan kung sino ang gagong iyon.”
“Paano kung may arma
