الفصل الثامن

1700 Words

(طبعا متخيلين حماسي وهبلي وانا بكلم عم فضل دلوقتي ولا كأنه جاي ياخدني ملاهي) =عم فضل عم فضل -نعم يابنتي =شكلي حلو طب شعري مظبوط طب اللبس ده حلو قولي اني قمر ياعم فضل انت مبتردش ليه -يا بنتي اهدي هو انا عارف أرد دوشتيني وبعدين انتي رايحة للمدير مش رايحة فرح يعني ممكن تترفدي بلاش الجلاله تاخدك اوووي كده (شوفتوا شغفي وهو بينطفي ؟؟!! ) =امشي يا عم فضل امشي الله يسهلك =انا عارفة ان اللي بعمله غلط ومحدش هيتوجع غيري لكن ده غصب عني والله انا مش عرفة ليه منجذبة ليه انا عارفة اني هقع علي جدور قلبي يتفشفش في الآخر فوقي يا فتون ومتبصيش لفوق وصلت قدام مكتبه بعد ما حالي اتبدل وحماسي اتحول لزعل من الواقع، خبطت وسمحلي ادخل _اهلا يا فتون تعالي ادخلي ايه يابنتي كل ده تأخير "كان بيتكلم بحماس كأن حياته معتمده علي وجودي كان صوته جميل يا تري حاسس بحاجة من ناحيتي ولا مجرد احساس بالذنب من طريقته معايا امبارح ؟!" حاولت اتناسي تفكيري وابتسم =اهلا يا مستر مراد عم فضل قالي ان حضرتك سألت عني ايه المره هتتردتي من الشركة كلها ولا ايه _ميبقاش قلبك أ**د كده وبعدين مش انا امبارح اتفقت معاكي امبارح انك تجيلي المكتب علي طول =هاا؟أصل اها انا نسيت "ملامح وشه بدأت تتحول للحزن تدريجيا مش عارفة ليه السبب بس كأني **رت قلبه هو فيه ايه ؟" "لقيته بيقرب مني ووقف قدامي علي طول ولسه نظرة الحزن في عنيه لقيته بصلي واتكلم بنبرة صوت وجعت قلبي معرفش ليه كأنه بيلومني او كأني خذلته _فتون!هو انتي فعلا نسيتي بجد يعني! =ها؟ مستر مراد أنا عاوزة امشي عن اذنك _هو فيه ايه ممكن اعرف هو انتي لسه زعلانه من موقف امبارح اظن اني اعتذرت "انا لازم أبعد انا وجودي هنا وجع ليا بس يااارب قويني رديت عليه بنبرة قاسية خليتني اكره نفسي =لا يا فندم مش زعلانه بس حضرتك كده بتضر سمعتي قدام الموظفين لما يلاقوني بدخل لحضرتك كل شويه بدون اي صلة ومفيش شغل بيجمعني مع حضرتك وانا بنت وسمعتي مهمة بالنسبالي عن اذنك "قومت وقفت" _فتون انا بسوء لسمعتك ؟؟ =انا مجرد خدامه في شركة حضرتك واقل حاجة هتتقال اني بجذب انتباه حضرتك ليا عن اذنك يا فندم وحضرتك عندك كامل الأحقية لرفدي _فتون؟؟؟؟؟؟؟؟؟ "انا مكنش ينفع أفضل ده أسلم حل ليا القلب لما بيقع مبيقومش و**رته مبتداواش ولا ليها علاج البعد قبل ما اتعلق بيه اكترمن كده اسلم حل, روحت البيت وأنا مش عارفة أفكر حتي دموعي واقفة مكانها مبتنزلش كأنها زي الحجر" -ايه اللي رجعك دلوقتي يا اختي =فتحي ابعد من وشي عشان انا مش طيقاني -فيه ايه يا حبيبتي قوليلي انا طيب راجعه دلوقتي ليه في حاجة حصلت =مفيش يا امي انا تمام صدعت شويه ومشيت عن اذنك هدخل ارتاح شويه في اوضتي "الحب والتعلق دول نعيم وجحيم في نفس الوقت لو فوزت بحبك هتعيش في نعيم ولو خسرت الجحيم هو مكانك " _كلماتك لم ترأف بقلبي الخائف وزادت من زعره ,قسوة كلماتك أفتكت بي ألم تخبرك عيني وكلماتي وترددي في حضورك أن هناك شيء بداخلي يريد أن يخرج وأن كتمانه ثقيل والبوح به صعب؟! لمَ تلك القسوة تجاه قلبي الهائم الحزين؟! "بقيت متأكده انه هو مش حد غيره معني كده انه بيحبني أو علي الاقل في مشاعر من ناحيته ليا آآآآآآه يا مراد طب أقولك ايه اني بوجعني أنا قبلك وبدبح قلبي بسكينة باردة؟ رديت عليه بكلمته اللي بعتهالي قبل كده... ="بسم الله علي قلبك" ! تلك الكلمات لا تنتمي لي قط ,وأن ما يبدوا لك من معناها هو علي ع** ما أعنيه , كان قلبي يحتضنك حينها ولا دخل لي بكلماتي تلك فقد كانت دون إرادتي _تقابليني؟؟؟ عندي ليكي كتير يتقال استغربت الرساله بس رديت بسرعه =فين _مكانك المفضل هتلاقيني هناك "متردده اروح ولا لا وخايفة من المقابلة دي, أخدت قرار اني اروح ويا تكون بداية يا تكون نهاية كل شيء " _إتأخرتي =مستر مراد حضرتك؟ _اتأخرتي أووي يا فتون =هاا؟هو يدوب نص ساعه _3 سنين و7 شهور و4 أيام و11 ساعه تأخير يا فتون ما حستيش منهم غير بنص ساعه ؟؟! =مش فاهمة حضرتك يا مستر مراد تقصد ايه _مراد يا فتون مراد بس بقالي 3 سنين مستني اللحظة دي مستني الوقفة دي وانتي قدامي مش وانا بشوفك من بعيد مستني أكلمك من غير ما أخاف مستني منك حرف او نظرة تخليني ادوس علي الدنيا وابقي بين ايدك بس للأسف الماضي واقف دايما قدامي =3 سنين ازاي؟ انا بقالي 4 سنين بشتغل عندك وعمره ما حصل بينا كلام إلا نادرا ازاي ده حصل _ انتي السبب كان هيجرا ايه لو اتولدتي طبيعية من غير عيونك دي اللي خليتني بدور عليها كل شوية ومن غير ملامحك اللي بدور عليها في وش كل الناس من غير ضحكتك اللي سرقت قلبي أول مرة شوفتك بتضحكيها كنتي بتضحكي مع واحدة زميلتك بصيت لقيتك انتي ومعرفتش ايه حصل لقلبي تاني مرة شوفتك بتضحكي وانتي بتساعدي الولد الصغير اللي كان بيعيط في الشارع وازاي كنتي بتضحكيه واديتيله شوكليت كنتي شبها وحنيتك شبها =هي مين _امي ....بصي صورتك وانتي بتضحكي عاملة ازاي كنتي ازاي عاوزاني مقعش في حبك..ايوة بحبك أول لما حسيت اني بحبك كان نفسي اخليكي تسيبي الشغل وأقولك انتي ملكي انا ومكانك في قلبي وفوق راسي مش شغاله عند حد بس خوفت الماضي كان مكتفني خوفت يبعدك عني مسألتيش نفسك انتي ليه بطلتي تعملي اي طلب لاي حد والموظف اللي كان بيخليكي تعمليله اي حاجة كان بيترفد كنت خايف يا فتون من اني أخسرك كنت خايف متشوفيش مني غير مراد الاكبر منك ب10 سنين بقيت اراقب كل حركاتك بقيت عارف امتي بتبقي فرحانه وامتي متوترة وامتي خايفة بقيت حافظ ملامحك أنا بحبك يا فتون لا مش بحبك أنا روحي متعلقة بروحك يا فتون وده ألعن انا ملعون بحبك وهلاكي في بعدك يا فتون "انا مكنتش بعمل حاجة غير اني اعيط وانا شايفة منظره ده مكنتش عارفة اعمل ايه او اقول ايه وايه الرد المناسب حاسة اني مشلولة _بدأت أكلمك من ايميلات متعرفيهاش كنت حاسس لو كتمت مشاعري اكتر من كده هموت بحبك بقيت اخلي حد يراقبك واعرف كل خطواتك عشان احسك معايا طول الوقت حتي وانتي بعيدة كنت كل مرة باجي اعترفلك بحبي الماضي يمنعني =ماضي!؟ ماضي ايه ده _قصة حب أمي وأبويا العظيمة اللي كنت قايلك هحكيهالك منعاني يا فتون أبويا اللي حب أمي البسيطة وأهلوا رفضوا وخيروه بين فلوسه والورث وبين امي وعشان اختار أمي خسر كل شئ واترمي بيها في الشارع لمجرد ان اهله شايفينها غير مناسبة تخيلي اللي يعطف عليهم البواب عطف عليهم واداهم اوضة علي السطوح في المنطقة بتاعته أبويا اتذل كتير وتعب وعاني عشان يحافظ علي أمي اتحول من مالك لاكبر سلسلة شركات في الشرق الاوسط لواحد مستني شفقة وحسنة من غريب عشان الحب الحب بيذل وبيضعف لولا أمي وحبهم كانوا اتهدوا كان بيحكيلي "حاولت اتكلم كان لازم يسكت مكنش لازم يكون ضعيف كده مش لازم يعيط أبدا" =مراد بس !!شاورلي بإيده ودموعه كانت مالية عينه _كان بيحكيلي قد ايه كانت بتضحكله وهي شايفة انه مش لاقي يجيب أكل ومش قادر يعيشها حتي زي أقل الناس عمرها ما اشتكت بس أبويا كان حاسس بوجعها وكان تعبان وأبويا لما بقي يقدر يجمع قرش وبدأ يعمل شغل خاص بيه وبدأ يكبر وأنا كنت بدأت أكبر بعد سنين معاناة أمي جالها لوكيميا يا فتون سنين بتحارب بقي عندي 24 سنه وشركتنا دي كانت كبرت وبدأت تنافس أكبر الشركات ووقعت كل شركات أهل أبويا وفي اليوم اللي **بت فيه أكبر مناقصة اللي غيرت مكان الشركة أمي ماتت ، ماتت يا فتون من غير ما تفرح من غير ما نعوضها عن وجعها ماتت وأبويا مقدرش يدواوي جرحها ولا جرحه مكنش قوي كفايه انه يحارب أهله حبه ضعفه يا فتون أمي ماتت وهي موجوعه بس يا فتون مفرحتش =مراد كفاية أرجوك عشان خاطري أنا أنت كل كلامك غلط انت ازاي بتقول الحاجة وع**ها الحب عمره ماكان بيضعف ازاي ضعف والدك من الحب قولي وهو من غير الحب مكانش كمل ولا وصل لحاجة إيه يخلي مامتك تصبر وباباك يستحمل كل ده ويضحي كل ده ان مكنوش اقويا وحبهم مقويهم الحب أسمي من أي فلوس وأحسن من مليون بيت وشركة باباك كان سهل لما يلاقي الحياه صعبة كان يعتذر لوالدتك ويستسلم ويرجع لاهله وبيته لكنه كان قوي بحبه وحبها وده خلاه يكمل ويوصل ومامتك فرحتها مكنتش هتكون في انها تعيش في فيلا ويكون معاها ملايين فرحتها فإنها تكون شايفاك وتكون مع باباك فرحتها في وجودكم وفي حبكم وده أحلي مليون مرة فرحتها انها تشوفك ناجح وفرحان مش انك تجلد ذاتك بدون سبب هي مش فرحانه دلوقتي بحزنك هي كان في ايدها تسيب والدك وتتحوز واحد غني يعيشها في فيلا ويديها ملايين بس هي كانت عاوزة باباك مش فلوسه الحب أغلي من كنوز الدنيا يا مراد انت فاهمني "ابتسم وأنا السبب أنا عاوزة ابوسني والله" _شكرا يا فتون علي وجودك اللي بينسيني اادنيا حتي وانتي بعيدة مجرد صورتك بتنسيني دنيتي وصوتك بيخ*فني لعالم مفيهوش غيره =وبعدين قولي يا أستاذ أنت ازاي تقرر عني اني هشوف فرق السن بينا كبير _قصدك انك موافقة تتجوزيني بالفرق ده =ايه! ايه! انا مقولتش كده انا انا بس بسسس بشرحلك يعني انت يعني اصلا هو يعني عسول وشكلك جميل ومش يبان انك كبير _بقي أنا عسول يا شيخة بطلي كدب =والله مش بكدب انت قمور خالص وشبه ثيو جيمس وعندك عضلات دوين جونسون وجامد يعني _ده انتي مراقبة ومتابعه بقي ومهتمة بيا مش أنا لوحدي اللي مهتم =أها طبعا ...اقصد لا طبعا بطل هبل يووووووه بص انا مش هتكلم عشان انا عكيت _بصي "كان بيشاورلي ناحية البحر بصيت لقيت طياره بتتحرك وبتطلع دخان عملت بيه قلب جواه كلمة بحبك وكان منظر فظيع انا كنت مصدومة لفيت ابص له لقيته قاعد علي ركبة واحدة وماسك علبة لونها ازرق وفيها خاتم جميل أووووي _تقبلي تتجوزيني يا فتون بكل توتري وبكل خوفي من الحب تتجوزيني وتشاركيني الباقي من حياتي وانتي في حضني ! =يلهوووي !!! مراد هو ده كله ليا أنا ! _مينفعش يبقي لغيرك انتي قولتي ايه =قوم يراجل الناس بتبص احيه يا فضيحتي قوم اقف قام وقف وحسيت انه زعل _يعني مش موافقة؟ =موافقة طبعا..قصدي لا طبعا بص وريني الخاتم كده _اتفضلي =مجبتش ورد ليه ها يعني صارف ومكلف ونسيت الورد باينلك كده بخيل وهتغلبني _هجيبلك جنينة ورد ووافقي =وهاتلي ساندوتش شاورما عشان ما اكلتش من الصبح وكنت مكتئبة _سلامتك من الاكتئاب هفتحلك مطعم =فسكوز الجاكت ده ياببلاوي _بدلة تو**يدو يتقال عليها فسكوز يا فتون =تلبس فسكوز بعد كده خفيف ولطيف وبيجيب طرواة يمكن يهوي علي افكرك العقيمة "هيديني في وشي انا عارفه" _هلبس فسكوز يا فتون حاجة تاني =هتيجي تتقدملي امتي ولا هنقضيها حب في الشارع _ايه يعني موافقة خلاص! =مش مشكلة بقي مش ه**فك _بحبك بحبك بحبك = وانا كمان _ايه =ايه؟!انا متكلمتش _بحبك "وتظن حلمك بعيد لكنه امامك مد يد*ك فقط وسيكون لك " "جئت كفرحة يوم العيد بعد صيام طويل "

Free reading for new users

Scan code to download app

App Store Google Play

Facebookexpand_more