زينة البنات

الفصل السابع

كنت قاعدة ماسكة الفون وفجأة جالي مسدج

- الصورة اللي انتي منزلاها تتمسح حالا يا فتون

=ده ع**ط أكيد والله ع**ط أنا شوفت رسايل OTHER كتير وقليل بس زيه مشوفتش

(ده شخص تنح بقاله فتره طويلة اكتر من سنه تقريبا بيبعتلي رسايل يطمن عليا والغريب انه بيبقي عارف كل حاجة بعملها في يومي أحيانا يبعتلي يقولي شكلك كان حلو النهارده ألاقيه مره يخانقني عشان نزلت بروج او يخانقني عشان اتعاملت مع شخص بقيت حاسة اني متراقبة منه بس أنا مش برد كنت بحس انه حد من المكان اللي بشتغل فيه بس مين من المكان ده ممكن يبصلي أو حتي يفكر يتابعني قولت ممكن حد بيشوفني وانا نازله من جيراني ويكون بيستخف دمه )

-الصورة لو متشالتش حالا هتبقي ليلتك سوده

=أنا خوفت بس عمري ما اروح اقول"لقيتني برد وبقوله وانت مالك بقي ان شاء الله كنت من بقيت أهلي " ما انا خلاص اتخنقت بقاله كتيييير بيبعتلي كل يوم مسدج بتفاصيل يومي ويديني أوامر متلبسيش ده ومتكلميش ده بس كده أوفر

-الصورة تتشال الاول وبعدين نتكلم وبعدين من امتي وانتي بتنزلي صوره ليكي علي النت

=أنا تنحت مهو أكيد ع**ط ..ولا انت اهبل يالا ولا إيه ولا تكونش مفكر نفسك أبو آدم

_أولا انا مش أهبل احترمي نفسك ثانيا أنا مش هسمي آدم هنسمي يزن إن شاء الله

=أنا مش هسمي ابني يزن ..إيه الهبل اللي بكتبه ده بعتله وقولتله انت عاوز ايه وتعرفني منين

_أنا أعرفك اكتر من نفسك انتي قدري يا فتون

=لا لا لا ده شكله مجنون أنا أحسن حاجة اعمله بلوك زي كل مره سيبت الفون ما انا مش ناقصة هم كفاية الهم اللي عندي أما ادخل ألبس قبل ما فتحي يرجع البيت حقيقي مستنية اللحظة اللي اقدر أسيب البيت ده واخلص)

"نسيت أقولكم انا فتون عندي 22 سنه في اخر سنه ليا في كلية التجارة بشتغل للاسف office girl في شركة هندسة"

لبست أوت فيت عملي شوية وعملت شعري ديل حصان وجيت أخرج لقيت باب الشقة بيتفح ودخل سيد (زوج أمها)

- احم ايه يا حلوة رايحة فين كده وفين الست امك

رديت بق*ف =عرفت من صوته انه شارب زي عادته ...انا رايحة الشغل وماما في المصنع لسه في الشغل عن اذنك

مسك ايدي – بتكلميني من تحت ضرسك كده ليه يا أختي شغل ايه بقي يا ست الحسن قوليلي معاكي فلوس ايه يا حلوة

=سيب إيدي يا عم فتحي انا متأخرة ولو ماروحتش هترفد ومش هعرف اجيبلك فلوس وبعدين ما انت مخلص اللي معايا أول بأول هو انت راحم

-بت انا مش عاوز رغي كتير انتي هتبوظيلي الدماغ اللي عاملها بقولك هاتي فلوس

=هو أنا شغالة في ساقية يا عم فتحي انا بقيت عايشة علي ملاليم ده أنا بقيت مباكلش اغلب الايام عشان الفلوس تكفي مواصلاتي ايه انت مبترحمش

مسكني من شعري –انتي بتلكي كتير ليه يا بت انتي هاتي الشنطة دي .... عشرين جنيه بس فين الباقي يابت

=هو انت مخلي معايا حاجة ما انت مقلب اللي معايا أول بأول هات شنطتي خليني أغور

نزلت للشغل وحطيت ايدي في جيب البنطلون وطلعت الفلوس =حبايبي انتو ربنا يكتركم ويبعدكم عن ايد فتحي الز*فت

ظبطت شعري اللي بهدله المحر**وق فتحي

مشيت روحت شغلي هو الحاجة اللي فضلالي وصلت الشركة اللي شغالة فيها مكنتش اتخيل اني اشتغل في مكان زي ده بشهادتي حتي!الشركة كبيرة جدا !ومش بيشتغل فيها غير اللي عندهم خبرة ومتفوقين في مجالهم جدا لكن أنا لولا جارتي كانت بتشتغل عاملة نظافة فيها وقدرت تكلم الناس اللي في الشغل وعرفت انزل مكنتش حلمت اعدي من جمبها

دخلت وروحت مكاني وفجأة لقيت أستاذ محمد سكرتير رئيس مجلس الإدارة داخل عندي ومتوتر ومتعصب

_فتون اعملي قهوة مستر مراد ووديهاله حالا علشان هو علي آخره وعم فضل مجاش لحد دلوقتي وهو متعصب علي الاخر

أنا قعدت اول 5 شهور ليا في الشغل تقريبا بعمل كل طلبات الموظفين وبعد كده بقيت تخصص قهوة لأستاذ مراد بس وجابوا معايا واحدة تانية بقت هي مسئوله عن الموظفين وانا مسئولة عن أستاذ مراد واللي عرفته ان ده قرار منه أنا عمري ما تعاملت معاه شخصيا أبدا دايما بشوفه من بعيد وهو بيركب العربية او نازل منها او داخل الشركة مستعجل جدا او وهو بيزعق مع حد من الموظفين كان قليل اووي بينزل الكافيتريا ويقف يفضل يبص لنا من غير ما يتكلم الا نادرا عشان كده مش باخد بالي من ملامحه اووي فاكرة أنه طويل جدا بالنسبة لطولي و انه عنده عضلات ولا بتوع دوين جونسون وانه قمحاوي عيونه عسلي أنا بس مأخدتش بالي منه أوووي

_يابنتي اتحركي يخربيت شياطينك هنروح في داهية

=ح حاضر ي مستر محمد حالا وتكون جاهزة

جهزت القهوة سادة بيشربها كده من يوم ما اشتغلت هنا طلعت الدور اللي فيه المكتب أول مرة أطلع الدور ده أو بمعني أصح اول مره أخرج من الكافيتريا طول ما انا في فترة الشغل الشركة واسعة وكبيرة لكن الدور ده كان مختلف جدا الدور كله كان باركيه ومفيش غير مكتب مستر مراد وبس خبطت سمعت صوته بيسمحلي بالدخول ...صوته كان بيوتر حبيته اووي كان رخيم جدا وفيه بحة مفتكرش موجوده عند حد فتحت الباب ودخلت لقيت مكتب ولا الخيال حاجة كده ملهاش وصف كان واسع بشكل رهيب واستايله كان عصري جدا وعبارة عن لوحة فنية

سرحت في الجمال ده وفوقت علي صوته وهو بيتكلم

_ايه يا عم فضل هي المسافة اتغيرت من الباب للمكتب ولا ايه

فضل ؟؟؟ بصيت لقيته مش باصص عليا ومركز في ورق في ايده كحيت بصوت بسيط حسيته اتنفض من مكانه وبصلي بعيون احمرارها بيزيد وواضح انه غضبان

_أنتِ ؟؟؟؟ دخلتي هنا ازاي وازاي تطلعي هنا ومين سمحلك تطلعي هاا ؟؟؟؟ ردي

=معرفتش ارد ولا عارفة اتحرك ولا اتمالك أعصابي الصينية وقعت مني ودي كانت أكبر غلطة مش بطبيعتي اني اكون ضعيفة او اني اكون شخصية مستسلمة ومتوترة بس استغربت توتري واضطرابي وقتها حاولت أتكلم بس الدموع والتوتر كانوا حاجز..أنا أنا اسسسف ة مسسس تر محممد قال قالي اجيبها لحضضضضررتك

حاولت أجمع الازاز من الارض بس من توتري وعياطي اتعورت صرخت وسمعت صوته بيقولي

_فتون حاسبي!!

قرب مني وقومني

_انتي كويسة وريني ايدك

كان صوته كله خوف استغربته وبصيتله وانا بحاول اجمع انفاسي

=انا اسفة والله يا مسستر ممررا..

_بره ..اطلعي بررره واياكي تدخلي المكتب ده تاني

أنا اتصدمت من نبرة صوته اللي اتغيرت وزعيقه اللي تقريبا الشركة كلها سمعته محستش بنفسي غير وانا بجري انا جريت من غير ما ابص ورايا نزلت من غير ما استخدم الاسانسير وصلت الكافتريا روحت اخدت شنطتي وجريت من غير ما أكلم حد

=هو الحزن والوجع ميعرفش طريق غير طريق قلبي بس ليه يارب انا تعبت يارب

انا مش حمل حزن والله انا قلبي دايب من الحزن والوجع

طب أهرب من بيتي وجوز امي ولا أهرب من شغلي اللي ضاع ومن مراد اللي ميعرفنيش وحاسة ان كره الدنيا كلها جواه ليا وهو اول مره يشوفني

ببص لقيت البحر جمبي .... معقول !! معني كده اني بقالي اكتر من ساعتين بمشي

يااااااه بقالي سنين مجيتش هنا كان بابا الله يرحمه دايما يجيبني ونقعد بالساعات

روحت المكان اللي كنا بنقعد فيه وقعدت علي الارض بابا وحشني اووووي

=اتبهدلت بعدك جامد أوووي الدنيا كلها جاية عليا ودايسة علي قلبي (دموعي نزلت) أنا مبقاش فيه حاجة واقفه معايا ومبتسبنيش غير دموعي والحزن

_دموعك غالية وحزنك واجعني عيونك اتخلقت عشان تفرح بس البكا مش ليكي

=ده نفس الشخص اللي كان بيبعتلي بس ده أكونت مختلف هو أكيد بيراقبني لا مهو محدش هيبعتلي رسالة زي دي إلا لو بيراقبني بصيت حواليا مفيش حد يكونش ده جن عاشق أيوه هو أكيد كده

=قولي بصراحة انت جن مش إنس صح قول الحقيقة ولا انت مجنون وبتعرف أخباري منين انت مين بالضبط؟؟

- كونك مش شايفاني مش معناها اني بعيد انا دايما حواليكي وانتي دايما جوايا وهييجي اليوم اللي هتكوني فيه جمبي قدام العالم كله

وبعدين اللي بيحب حد بيعرف عنه كل حاجة وكمان انا مش مجنون غير بيكي

**أنا حبيته خلاص يا جماعه هي الواحده عاوزة ايه غير حبة اهتمام وكلام حلو يتضحك عليها بيه كل الحب ليك أيها المجهول

=تبقي مخاوي جن قول بصراحة

_ههههههه مش مخاوي حاجة بس خليكي واثقة من اني بحبك أكتر من نفسي ونفسي أكشفلك هويتي دلوقتي قبل شوية كده "

=أحسن حل مردش بدل ما تجنن

_أنا آسف

بصيت ورايا

=مسستر مراد حضضرتك عرفت مكاني ازاي

_ها؟أصل أصل اه انا متعود اجي هنا دايما من سنين وشوفتك بالصدفة

=أنا باجي هنا من وانا طفلة وعمري ما شوفتك اقصد حضرتك

_آه آه بقعد في العربية بعيد وشوفتك بالصدفة المهم انا آسف اني اتعصبت عليكي

بصيتله بحزن وبشك =محصلش حاجة عن اذنك

مسك إيدي وأنا ماشية بصيتله بحدة سابها بسرعة

_احم..أنا اسف اني اتعصبت واسف اني مسكت إيدك هو انتي هتمشي عشان انا جيت هو اذا حضرت الشياطين ذهبت الملائكة ولا إيه

كنت حساه متوتر وهو بيكلمني علي ع** ما كان من شويه يكونش عنده انفصام او مريض نفسي ويحبني ويتجوزني مثلا عشان اعالجه زي كل الروايات(والله ما حد هيسببلي سكته دماغية غير مخي وتفكيره اللي بيحصل في اوقات غير مناسبه)

=العفو يا مستر مراد مقص..

_مراد

=ها؟؟

_طالما احنا بره الشغل يبقي مراد وانتي فتون لو تسمحي طبعا وبعدين أنا مش عجوز اووي كده

=لا طبعا حضرتك صغير جدا ..أقصد يعني سنك صغير انما طبعا مقام حضرتك كبير ,بس حضرتك تعرف اسمي ؟وبرضه حضرتك ندهتني بيه في المكتب

_اممم ..أصل ..أها مش انتي موظفة في شركتي أكيد عارف اسمك وبعدين مش ملاحظة اننا لسه واقفين تسمحيلي أقعد معاكي

=اتفضل طبعا ده شرف ليا طبعا اتفضل يا مستر

_هاااااا

=اقصد يا ممرراد

"حتي اسمه مميز وبيوتر زي صوته وشكله حاساه سامع صوت دقات قلبي من التوتر والفرحة مش عارفة ليه فرحانه ومن امتي ببقي متوترة كده او م**وفة من حد"

_احكيلي عنك بقي

=احكي ايه

_كل حاجة

لقيت نفسي بتكلم بكل تلقائية وسلاسة أنا ليه حابة احكي واتكلم مع ان طبعي اني مش اجتماعية مع الناس الغريبة بس هو مش غريب أبدا قلبي بيقولي انه عارفه وونسه معاه

=أنا فتون محمد السلمي عندي 22 سنه في أخر سنه ليا في كلية تجارة بس جامدة أوووي وبطلع الاولي يعني ان شاء الله اتعين معيدة ادعيلي انت وقول امين ..ما تقول ياعم

_ههههه.آميين

"ده مينفعش يضحك تاني نهائي في قلوب بتنهار يخر*بيت حلاوته

=تسلم..عايشة مع أمي وأبو سحلول جوزها بعد ما بابا الله يرحمه اتوفي

_البقاء لله انا اسف

=بحب الغناء وبحب ماما وبحب البحر وبحب المذاكرة ودي حاجة غريبة طبعا بس بحبها وبحب الأكل وبحب الشغل وبس لا أيوة بحب البت سومية والواد فارس

_نعععم فارس مين ده ...أقصد مين دول يعني

=اسغربت عصبيته "دول جيراني صغيرين واصحابي وبنلعب سوا وبذاكرلهم

_أها ربنا يخليهم ليكي

=وانت

_يخليني ليكي؟؟

=لا ..أقصد طبعا ...بس بقولك وانت احكي بقي يعني وكده

_أنا يا ستي مراد سيف الدين السويفي عندي 32 سنه مهندس معماري زي والدي وزي ما انتي شايفة رئيس مجلس إدارة شركة السويفي للهندسة والمعمار أمي وأبويا ماتوا من 7 سنين أمي ماتت وأبويا مات بعدها ب 20 يوم من حزنه عليها

"هيحصل حاجة لو حضنته ؟؟ليه قلبي وجعني لمجرد نبرة صوته الموجوعة دي "

= للدرجة دي بيحبوا بعض ربنا يرحمهم ويغفرلهم هما أكيد في مكان أحسن دلوقتي متزعلش

_بيحبوا بعض!! أمي وأبويا اجمل قصة حب فيي التاريخ واحلي قصة ممكن حد يسمعها

=احكيلي يا مراد بليييز

(باين اني هبلة وانا متحمسة لموضوع ميخصنيش ولا أبين أكتر )

_طب نخليها بكره لأن الساعة 11

=يا نهار أ**د ده فتحي هيعلقني ده هيبيتني في الشارع

_هو بيض*بك؟؟

(يا ختي علي جماله وهو متعصب كده وكأنه غيران)

=ها أها بس متقلقش ده أنا جايباله شلل هو إحنا أي حد ولا إيه

_طب يلا يا لمضة أوصلك وهستناكي بكرة في الشركة وتجيلي المكتب أول ما توصلي ضروري

=إيه ناوي تفتح دماغي المرة دي ولا ايه

_ميبقاش قلبك أ**د كده

(أنا نفسي أطير فعلا مش كلام أنا فرحانه أووووي مكنتش اتمني اروح أبدا ولا أسيبه أنا عالوزة أفضل معاه طول العمر ونفضل قاعدين كده علي البحر يااااه قاعدين من 12 الصح ل 11 بالليل 11 ساعة بدون كلل او ملل 11ساعة مش بفكر في حد غيره ومش شاغلني غيره ومش حاسة غير بوجوده أنا وقعت فيه بكل ذرة وده شيء مش لطيف هو مش هيشوفني غير فتون اللي بتشتغل عنده وميفعش أبص لفوق كده عشان مش هينوبني غير ان رقبتي تت**ر ...(أنا وش نكد صح) ايه ده يا ختي لازم ابوظ كل حاجة حلوة بالنكد كده أنا هحبه بيني وبين نفسي ومش هقوله اللي في نفسي ايوه هو كده

_بسم الله علي قلبك اتلو عليه آيات عشقي وارسل له أشو**ي ..رؤيتك تثلج قلبي فما بالك بحديثك يا من ف*نتي القلب والروح , قلبي كان مهجورا لكن حين سرقتيه نبض وارتوي بحبك

=يا ختي ايه الرجالة الحلوة دي يقطع*ه أنا لو أعرفه هبوسه مش هحبه بس طب أقوله ايه ده أعمله بلوك طب أنا كده بحب المجهول ابو كلام عسول ومراد أيوة بحبه ملكش دعوة انت يا عقلي خليك في الاوفر ثينكينج بتاعك وحياة عيالك أيوة حبيته من كام مره تعامل مش بشوفه من سنين يبقي بحبه من زمان بس المقابلة دي نشطت خلايا قلبي بس يكونش هو ده مراد مثلا أصل بيقولي بحديثك وانا لم احدث غيره ما انت عارفني متوحده أنا اتجننت خلاص اما اتخمد

روحت تاني يوم الشركة نفسي أقوله يااااه قد ايه وحشني (أنا أخلاقي بتضيع)

روحت الكافيتريا وقعدت في مكاني طب اروحله ولا لا واستني يبعت يندهلي طب هو هيعرف ازاي اني جيت!! أووووف

-فتون يابنتي استاذ مراد بيسأل عليكي

=عم فضل يا حلو انا جايه حالا