MIKKO
Kinabukasan nang araw ng pagdating ko sa Pilipinas, binisita ko agad ang dating bahay namin sa Del Rio. Ibang bahay na ang nakatirik doon. Pinatayuan na iyon ng may-ari ng lupa.
Napangiti ako habang nililibot ang tingin sa lugar. Maraming masasaya at magagandang alaala ang nabuo rito. Dito ako nagkaroon ng bagong buhay pagkatapos nang paulit-ulit na pagtakbo namin ng peke kong ina noon. Kasabay nito, nakaramdam din ako ng lungkot nang maalala rin ang lahat ng pasakit na naranasan ko kay Yvo.
Sa kabila ng hinanakit sa kanya, nakaramdam din ako ng kaunting guilt dahil hindi ko nakuhang magpaalam sa kanya. Pero mainam na ginawa ko iyon. Isa pa ay biglaan ang pag-alis namin. Ayaw ko na ring sumugal pa sa kanya. At kung nagkataon na naging kami at nalaman ko ang katotohanan sa aking pa
