YVO
Dalawang linggo na ang nakalipas simula nang makita ko siya sa isang intersection at dalawang linggo ko na rin siyang hinahanap. Hindi ko man lang kasi nakuhang sundan ang sasakyan niya nang araw na 'yon dahil nasa National Highway kami.
I'm very sure that it was him. Si Mikko ang nakita ko. Hindi pwedeng magkamali ang mga mata ko lalo na ang puso ko.
Tila nabunutan ako ng tinik dahil sigurado na akong buhay nga siya. Alam ko ang nangyari sa kanya at sa kanyang pamilya last two years ago. They were ambushed while escaping. At ang sabi noong tricycle driver na nagmaneho sa kanila, kinuha sila ng isa pang grupo ng mga kalalakihan na nagligtas 'di umano sa kanila.
Wala akong ideya noon na gano'n na pala ang nangyayari sa kanilang pamilya, kung ano ang kailangan ng mga taong iyon sa ka
