MIKKO
Hindi ko inaasahan ang sunod na ginawa ni Yvo. Naninigas ang buong katawan ko.
Bakit niya ako niyayakap?
Hindi agad ako nakahuma. Para bagang naestatwa ako sa kinatatayuan habang niyayapos ng kanyang mga bisig. Sa puntong iyon, bumalik lahat ng alaala noon pero agad ko iyong iniwaksi sa aking isipan. Hindi ako pwedeng magpadala. Maapektuhan lahat ng plano.
Doon lang ako nakakilos nang gumalaw ang mga braso niya para yakapin pa ako ng mas mahigpit. Siniksik ko ang kamay sa dibdib niya at pwersahan siyang itinulak. Ayaw pa sana niya akong bitawan pero binantaan ko siyang kakasuhan ng harassment kapag hindi niya ako sinunod. Nakita ko sa mukha niya na nasaktan siya sa sinabi ko.
"Mikko..." Mahinang tawag niya sa pangalan ko. Lalapit sana siya pero umatras ako at hinarang ang palad
