Maingay na masaya ang campus nang pumasok na kami ni Jerome sa umagang iyon. Katatapos lang ng semestral break at simula na naman ng klase. Habang naglalakad kami patungo sa main building kung saan ay naroon ang aming kanya-kanyang silid-aralan, pansin namin ang mga estudyanteng sabik-na sabik na makita ang kanilang mga kaklase at mga kaibigan. Karamihan sa kanila ay masayang nagkukuwentuhan, ang iba naman ay nagtatawanan.
Normal lang naman ang eksenang iyon kapag ganoong panibagong bukas ang semester. Masaya ang lahat na makikitang muli ang mga barkada, mga classmates, mga crush... Syempre, masaya rin ako bagamat may kaunting lungkot din dahil iyon na ang huling semester ni Jeorme sa unibersidad.
Inihatid muna ako ni Jerome sa silid-aralan ng una kong klase. “Huwag kang pasaway ha?” an
