Mavvie.
"Papa!?" pagtatakang bulalas ni Stellan sa anak habang tinitingnan pero hindi naman niya tinulak si Charlie para ilayo sa kan'ya bagkus, hinayaan lang niyang nakayakap ang anak.
Napanganga na lang ako habang iniiling ang ulo dahil sa ginawa ng anak ko. Hindi ko tuloy alam kung lalapitan ko ba siya o hahayaan na lang dahil ayaw kong mawala ang sandali niyang nararamdamang kasiyahan ngayon.
Ngunit sandali rin napadako ang mata sa akin ni Stellan na may pagtataka at kaakibat ang katanungang nagpapahiwatig sa akin kahit hindi siya magsalita.
Muli akong naistatwa dahil lang sa titig niyang iyon. Napalunok ako laway at pilit igalaw ang mga paa para lapitan ang anak ko at kunin sa kaniya kahit pa may kaba sa puso akong nararamdaman.
"Hmmmm.. Anak come here, ma-may hindi lang pag
