Halos isang minuto akong hindi makagalaw. Hindi ko alam kung nananaginip ba ako o ano. Masiyadong mabilis ang pangyayari.
Nang parang mauubusan na ako ng hangin ay roon lamang ako natauhan. Agad ko siyang tinulak palayo. Habol ang hininga akong tumingin sa kaniya habang siya naman ay mapupungay ang mga matang nakatingin sa akin.
Napayuko ako at mariin na napapikit bago dali-daling kinuha ang mga gamit ko. Nanatili siyang nakatayo at tulala na nakatingin sa akin. Nang matapos ay lumabas na ako ng library dala-dala ang mga gamit.
Mabuti na lang ang kabisado ko ang daan pababa kaya ilang minuto lamang ay nakarating na ako sa sala. Kinuha ko ang sapatos at sinuot iyon. Akmang lalabas na ako nang may kamay na humawak sa braso ko. Mukhang nakabalik na siya sa tamang wisyo.
Napabuntong-hin
