6

1774 Words

رؤى طلعت فوق لاخواتها وتودع امها دخلت الغرفه لامها رؤى ، نرمين ممكن تهدي و تخرجي تسيبيني معاها شويه نرمين ، ماشي و خرجت رؤى انهارت بالدموع ، ماما سامحيني اني معرفتش اتصرف سامحيني أنا لو كنت اطول ابيع روحي كنت بعتها عشانك والله أنا اسفه سامحيني أنا مش عارفه هعيش ازاي من غيرك يا ماما و النبي متسبنيش بجد مش هعرف اعيش ولا دقيقه من غيرك و راحت حضناها وحطت راسها ع ص*ر امها و فضلت تعيط جامد احمد خبط ع الباب رؤى رفعت راسها و مسحت دموعها ، ادخل احمد دخل ، رؤى حبيبتي خلاص بقا أهدى رؤى ، ماشي يا حبيبي احمد ، احنا هنزلها المسجد عشان نصلي عليها رؤى ، يعني خلاص يا ماما هتمشي خلاص احمد ، عشان خاطرى اجمدي عشان اخواتك يا رؤى رؤى ، ماشي يا حبيبي احمد ، الرجاله هيدخلو عشان يشيلو معايا رؤى ، ماشي الرجاله دخلت و كان من ضمنهم اسر اسر دخل و بص ع البيت لقاه بيت بسيط رؤى واقفه حاضنه اخواتها الصغيرين وواقفين منهارين اسر في نفسه ، الحمد لله أن الحلم جه في معاده ممكن تكون رساله من ربنا اني اخرجها من القضيه دي عشان اخواتها أنا فعلا استغربت نفسي عمرى قلبي ما حن لحد مش عارف ليه قلبي حن ليها رؤى خدت بالها أن اسر واقف و سرحان فيها رؤى ، هو ماله ده واقف يبص كده ليه عليه وراحت اخدت اخواتها و دخلت الاوضه اسر دخل شال والدتها مع الرجاله و خدوها ودخلوا المسجد وصلو عليها و خلصوا إجراءات الدفن و دفنوها اسر ، البقاء لله احمد ، والدوام لله اسر ، أنا الرائد اسر الهوارى و ده رقمي لو عزت حاجه انت او اخواتك ضرورى تكلمني ع الرقم ده من غير تردد و اعتبرني يا عم اخوك الكبير تمام احمد ، تمام متشكر لحضرتك اسر ، هو انت في مدرسه و اللا احمد ، اه أنا في تالته ثانوي اسر ، ربنا يوفقك الامتحانات ع الابواب احمد ، متشكر لحضرتك اسر لنفسه ، ايه الادب ده اومال اخته ل**نها متبري منها ليه دي اسر ، تمام أنا ماشي و في انتظارك في أي وقت سلام احمد ، الله يسلمك ///////////////// اسر ركب عربيته و راح علي القسم ادم ، ايه يا بني اتأخرت ليه اسر ، كنت في مشوار كده ادم ، بقولك يا شق مش مرات ابوك حامل اسر بصدمه ، ايه ادم ، اه والله زي ما بقولك ابوك قال امبارح لأبويا اسر ، ابويا اللي عنده ستين سنه مراته حامل ده انا لو كنت اتجوزت من زمان كان فات عندي عيل عنده عشر سنين ادم ، شفت بقا اهو ابوك طلع أجدع منك وراح اتجوز بنت صغيره واهو هيخلف كمان هههههه اسر ، أنا مش بتاع جواز و صداع و كلام من ده انا بجد مش قادر اتخيل اني ممكن احب حد اصلا أو اني اربط حياتي بحد ادم ، تعالي أما اجوزك البت ايمان اختي اسر ، لا يا حبيبي شكرا ايمان عشان تقعد تكلمني كل حاجه بالمنطق ده انا أما بتكلم معاها بحس اني عايز اض*بها بحاجه في راسها عشان تحل عن دماغي يا عم دي صعبه اوي ربنا يكون في عون اللي هيتجوزها ادم ، هههههه اومال أنا اعمل ايه كل شويه ادم انت المفروض اللي تنضف اوضتك عشان انت اللي بتخليها قذره لو سمحت نضفها اجي اقولها اومال الوليه اللي اسمها حسنات دي بتعمل ايه مش هي المسؤوله عن كده و بتاخد فلوس عشان كده كمان تقولي بس مش هي اللي بتوسخ اوضتك لو سمحت نضفها هموت و انضف دماغ امها عشان أبعدها عن امي بجد تعبت منها يارب تتجوز واخلص منها اسر ، هههههههه تقوم عايز تجوزهالي عشان تنتقم مني ادم ، والله دي هي اللي هتظبطك يا جدع اسر ، ما تتظبط يا حيوان انت هو ايه اللي هتظبطك دي ادم ، أنا اللي غلطان أنا ماشي رايح مكتبي و مب**ك يا عم ع اخوك الجديد هههههههه اسر ، الله يبارك فيك عقبال ابوك أن شاء الله ادم ، امشي ياله من هنا اسر ، والله ده مكتبي انت اللي بالسلامه من هنا ياله ادم ، ماشي سلام اسر قعد ع مكتبه و سرح في رؤى و افتكر عينيها اللي سحرته من ساعه ما كانو بيفطروا و راح مبتسم اسر ، في ايه يا اسر ما تتظبط انت البنت كلت دماغك واللا ايه ادم دخل ع اسر ادم ، اسر البنت اللي كانت هنا امبارح نست شنطتها في مكتبي اسر ، تمام هاتها و انا هعطيهالها ادم ، هتعطيهالها ازاي اسر ، هروح أوديهالها ادم ، و الله و ده من امتا بقا أن شاء الله اسر ، ادم البنت فعلا غلبانه جدا و لو مكنتش حسيت كده مكنتش طلعتها من القضيه ادم ، بالحق فكرتني انت طلعتها من القضيه عشان كده بردك مصدقش اصلا أنسا اسر الهوارى اجمد قلب في الداخليه عمر قلبه قاله أنها بريئه روح اضحك ع حد غيري لام أنا مش هصدقك اسر ، ادم انت عايز ايه بالضبط ادم ، مش عايز حاجه الشنطه اهي شوف هتوديها ازاي و لما تكون عايز تتكلم انا موجود عن اذنك و راح خارج راح مكتبه اسر مسك الشنطه وراح سرحان تاني و بعدين افتكر كلام ادم اسر لنفسه ، هو يقصد ايه بكلمه أما تكون عايز تتكلم دي هو بيحاول يقول ايه ده كمان ياربي البنت دي مش راضيه تطلع من راسي خالص اعمل ايه بس ياربي وراح اخد شنطتها حطها في شنطه وقال بلاش انهارده اوديهالها بكره باذن الله هروح اوديها أو أما التلت ايام بتوع العزا عشان الناس و كده محدش يقول حاجه عليه //////////////////////// عند رؤى ساره ، رؤى انتي عامله ايه انهارده رؤى ، الحمد لله والله ساره ، بصي هو مش وقته خالص بس لازم تسمعي اللي هقولهولك ده عشان أنا دمي محروق منك اوي رؤى ، أنا عارفه ليه يا ساره بس والله ما كنش قدامي اي حل أنا روحت لقيت احمد قاعد يعيط في الشارع و بيقولي ماما في المستشفي مكنش في وداني اي حل غير الكلام بتاع يسرا اللي كانت قالتهولي الصبح فالحمد لله ع كل حاجه ربنا انقذني في الوقت المناسب ووقفلي الضابط ده عشان يخرجني من المصيبه دي والحمد لله اهي عدت يا ساره الحمد لله ساره ،. ده ضابط ابن ستين كل ب رؤى ، ليه بس ساره ، اسلوبه زباله جدا ومغرور و شايف كل الناس مجرمين ربنا ياخد ه رؤى ، يا بنتي حرام عليكي ده الراجل خرجني من القسم و طلعتي من القضيه و شال امي مع الرجاله و خلص إجراءات دفنها كمان ساره ، بس بردك متمسكه برأيي ده رؤى ، ماشي يا ستي اتمسكي برأيك زي مانتي عايزه بس حاولي تسامحيني بليز ساره ، اسامحك اي يا بنتي ده انتي قلب قلبي انتي مجنونه ازاي تقولي كده اصلا رؤى ، روحي روحي روحي ساره ، احنا نتجوز واحد احنا الاتنين يا رؤى عشان نقضي حياتنا كلها مع بعض رؤى ، هههههه نتجوز مين يا بنتي روحي اتجوزي انتي أنا هربي اخواتي وبس هقضي عمرى كله ليهم مش هسيبهم و لا هتخلي عنهم المهم بقولك قولي للمدام اني هنزل بعد بكره الشغل أما التالت يخلص عشان اجيب مصروف بيت لأن زى مانتي شايفه اخواتي دروسهم بفلوس كتير و انا عايزه احقق امالي فيهم ساره ، يارب يخليهوملك يا حبيبتي يارب و يعينك عليهم قادر يا كريم رؤى ، يارب يا ساره يارب املي كبير في ربنا ساره ، و نعم بالله يا حبيبتي ياللا أنا همشي عشان اروح البوتيك مش عايزه حاجه يا قلبي رؤى ، سلامتك يا حبيبتي ربنا يعينك ساره ، اللهم امين ياللا باي رؤى ، باي يا حبيبتي ///////////////////// بعد تلت ايام اسر خلص شغله و راح لرؤى البيت ايمان فتحت الباب ، نعم اسر ، ازيك يا قمر ايمان ، الحمد لله مين حضرتك اسر ،. أنا اسمي اسر و انتي اسمك ايه ايمان ، أنا ايمان اسر ، اسمك جميل اوي يا ايمان ايمان ، شكرا لحضرتك اسر ، العفو يا روحي بقولك يا حبيبتي هي رؤى اختك موجوده ايمان ، لا مش موجوده راحت الشغل اسر ، تمام هو شغلها ده فين ايمان ، البوتيك بتاع الهدوم اللي علي أول الشارع اسر ، تمام يا حبيبتي انا رايحلها بقولك الهديه دي أنا جيبها ليكي ودي لاخوكي الصغير و دي لاحمد تمام ابقي اعطيهوملهم ماشي ايمان ، أنا مش هينفع اخد حاجه عشان أنا معرفكش اسر ، بس انا عارفكم كلكم خديهم بس متزعلنيش منك ايمان ، لا اسفه مش هاخد حاجه اسر ، ماشاء الله النسخه التانيه اهي للانسه رؤى لو مش اخدتيهم أنا هزعل و هقبض ع رؤى اختك احطها في السجن ايمان ، هو انت ضابط اسر ، ايوه ضابط بوليس ياللا اسمعي الكلام ايمان ، ماشي اسر بابتسامه خفيفه ، ياللا باي يا حبيبتي ايمان ، باي وراح نازل اسر راح لرؤى البوتيك اسر نزل من العربيه و دخل البوتيك و لمح رؤى واقفه مع ساره يتكلمم اسر راحلهم ، احمم رؤى بصت له بلهفه و راحت رافعه حاجبها اسر ، سلام عليكم رؤى ، نعم ساره ، وعليكم السلام ورحمه الله وبركاته اسر ، هو اي اللي نعم متردي السلام ده حتي لله رؤى ، مش برد السلام ع حد عايز اي اسر ، انتي معندكيش زوق ع فكره رؤى ، شكرا اسر ،. العفو رؤى ، حضرتك جاي عايز اي اي كنت مستني التلت ايام يخل** و جاي تقبض عليه اسر ، لا رؤى ، اومال عايز ايه سيادتك بقا اسر ، اتكلمي معايا احسن من كده عشان موركيش وشي التاني فاهمه رؤى ، مبخفش ع فكره خلاص جفت الدموع اسر ، طب تمام تصدقي أنا اللي غلطان اني جاي لوحده زيك اتفضلي شنطتك اهي كنت نسياها في القسم رؤى باحراج خدتها منه وراح سيبها و خارج ساره ، بصراحه انتي قليله الذوق اوي رؤى ، انتي متعرفيهوش ع فكره ده بني ادم غ*ي ساره بصت لقت اسر ورا رؤى رجع تاني وشاورلها تسكت عشان يسمع رأي رؤى عنه ساره ، خلاص بقا يا رؤى المسامح كريم رؤى ، المسامح كريم أمم ده واحد اتهمني في شرفي و اخلاقي أنا لو أطول اشرب من دمه كنت عملتها محسسني أن هو رئيس الجمهورية مش حتت ضابط لا راح و لا جه مغرور و متكبر و متعجرف اوووف الحمد لله أنه غار من هنا ده دخل البوتيك طاقه سلبيه ساره ، ما قولنا بس بقا و راحت باصه وراها عشان تعرفها أن في حد وراها رؤى بصدمه ، اوعي يكون وبتلف لقيته وراها بصتله بصدمه و هو واقف و مربع ايديه بيسمعها اسر ، ها كملي كملي رؤى ، اكمل ايه اسر ، بعد سلبيه ايه رؤى ، بس هو كده بس اسر ، طب ياللا يا حلوه من سكات معايا ع القسم أنا المره دي بقا هوريكي العجرفه اللي ع حق رؤى ، هتوديني بتهمه ايه بقا أن شاء الله اسر ، التهم ع قفا من يشيل ياللا قدامي ياللا رؤى ، ياربي ساره خلي بالك من اخواتي و النبي و راحت ماشيه معاه البارت الجديد هنزله كمان ساعتين اشوف التفاعل بقي وياريت اعرف رايكم في البارت ضرورى جدا علشان يهمني جدا جدا والتفاعل ياريت يزيد عن كده عشان خاطرى والنبي ياللا شجعوني بليز بليز احببت ضائعه للكاتبه اميره محمود

Free reading for new users

Scan code to download app

App Store Google Play

Facebookexpand_more