8

2272 Words

احببت ضائعه للكاتبه اميره محمود البارت الثامن احمد دخل لنور الغرفه احمد ، نور أناااا بصي خدي رؤى ، في ايه يا احمد و ايه ده احمد ، ادم باشا عيطاني الفلوس دي بيقولي ان اسر باشا بعتهم ليكي عشان لو عوزتي حاجه رؤى ، و أنت ازاي تاخدهم منه يا احمد احمد ، و الله أنا مرضتش اخدهم هو اثر جامد و ادهوملي و مشي رؤى ، تمام يا احمد حطهم في شنطتي احمد ، يعني هتاخديهم رؤى ، لا طبعا أنا أول ما أبقا كويسه هروح ارميهومله ساره ، نور ما تبعدي شويه عن البني ادم ده عشان مش عارفه المره الجايه هيعمل فيكي ايه رؤى ، ده حتي مهنش عليه يجي يشوفني بعد اللي حصلي بسببه ساره ، بصي هو الحق كان واقف قدام باب العمليات و شكله كان ملهوف عليكي الصراحه و غير كده انا هزأته جامد و مردش عليه الأستاذ ادم هو اللي كان بيرد بصراحه كان شكله خايف عليكي اوي رؤى ، افتكرت و هي في الحجز و عماله تتألم و هو جاي ملهوف عليها و افتكرت أما شالها و خرج من الحجز و افتكرت أما تف ع البنت اللي كانت بتغلط فيها وراحت ضاحكه بصوت عالي ساره ، في ايه يا بنتي انتي اتجننتي بتضحكي ليه رؤى اتحرجت ، هااا مفيش ساره ، والله ع أساس سيادتك سرحتي في ايه دي الوقت رؤى ، مفيش حاجه يا ساره المهم قومي روحي شوفي اخواتي عشان قلبي واكلني عليهم ساره ، لا أنا هفضل معاكي و روح انت يا احمد شوف اخواتك احمد ، خلاص تمام أنا هروح ليهم و انتي خلي بالك من رؤى رؤى ،. سلام يا حبيبي خلي بالك ع نفسك و عليهم احمد ،. ماشي يا حبيبتي لو عوزتي حاجه كلميني تمام رؤى ، تمام سلام يا قلبي احمد ، سلام وراح خارج ساره ، اديني طفشتهولك اهو قولي بقا كنتي بتضحكي ع ايه و انتي سرحانه رؤى ، لا ده انتي مجنونه بجد والله ساره ، ياربي خلاص براحتك يا رؤى /////////////////////////////// اسر ، اخدت الفلوس ادم ، اه عطيتهم لاخوها اسر ، تمام بقولك تعالي نروح نطمن ع الولاد ادم ، ولاد مين انت خلفت من غير ما تقولي اسر ، ياربي الولاد اخوات رؤى ادم ، تمام دول فاتهم لسه مأكلوش حاجه تعالي نجيب ليهم اكل و نروح نتغدي معاهم اسر ، تمام ووقف قدام مطعم و نزل جاب اكل و ركب العربيه و راح عند بيت اخوات رؤى نرمين ، مين اسر ، افتحي يا قمر نرمين فتحت الباب ، اي ده ازيك يا عمو اسر ، الحمد لله يا قمر عامله ايه نرمين ، الحمد لله اسر ، أنا جاي أنا و أنكل ادم نتغدي معاكم نرمين ، بس رؤى مش هنا و احنا مش هنعرف ندخلكم محمد ، مفيش اكل اصلا هنا احنا هنموت من الجوع اصلا نرمين ، محمد عيب كده اتفضل اقعد و مسمعش حسك عما رؤى أو احمد يجو و انا هقولهم عليك ادم ، هههههه ده سمع كلامها ده انتي لو اختي و بتزعقيلي كنت علقتك في السقف اسر ، اخرس يا بني انت جاي توقعهم في بعض اخرس خالص ادم ، عالعموم انتو الخسرانين انتو عارفين الشنط دي فيها أي محمد ، فيها أي يعني ادم ، فيها فراخ مشويه و مكرونه بالبشاميل و كباب و نرمين ، احنا الحمد لله مش جعنين عن اذنكم هقفل الباب محمد ، تقفلي ايه انتي مجنونه حد يقفل الباب في وش النعمه نرمين ، و بعدين يا محمد الله احمد طالع السلم فشاف ادم و اسر واقفين قدام باب بيتهم احمد ، خير يا اسر بيه في حاجه اسر ، ابدا يا احمد أنا جايب الاكل ده اتغدا أنا و ادم مع اخواتك و هما مش راضيين يضايفونا احمد ، لا ازاي اتفضل حضرتك نورت اتفضل نرمين ، مينفعش يا احمد رؤى مش هنا احمد ، أنا الكبير هنا دي الوقت مش مالي عينك و اللا ايه نرمين ، أنا اسفه يا حبيبي احمد ، حصل خير يا روحي ياللا روحي حطي الاكل عشان نتغدي اسر ، أنا معايا الاكل اهو جاهز ناكل عالطول احمد ، تمام هاتي المعالق و اطباق يا نرمين نرمين ، ممكن تيجي تجيبهم انت عشان أنا مش هطول احمد ، ماشي يا حبيبتي ادم ، في حاجه غلط اسر ، فعلا ادم ، مفيش اخوات بيكلمو بعض كده ده لو امهم بترضعهم لبن بقلوب مش هيبقي كده اسر ، انت فكرك أن كل الناس زي اخواتك دول ناقص ياخدوك يشرحوك عشان يعملو عليك ابحاث ادم ، قلبي كان حاسس انهم مش اخواتي بس كنت بكدب نفسي اسر ، ههههه طب اسكت بقا عشان اجو اهم احمد ، الاطباق اهي و المعالق وزعي انتي بقا يا نرمين نرمين ، تمام وفتحت الاكياس و وزعت الاكل في الأطباق و قعدوا اتغدوا كلهم مع بعض احمد ، انت يا زفت خد روح هات سڤن عشان نهضم الاكل عشان الساعه عشره مش هنعرف ننام محمد ، يوووه و انت متروحش ليه أن شاء الله ع رجلك نقش الحنه احمد ، انت بني ادم مش محترم و حسابك معايا عسير وربي لو ما نزلت هاهينك قدام الناس محمد خاف اخد الفلوس و نزل جرى اسر بص لادم بصدمه ، قريت عليهم ادم ، ههههه شكلها كده احمد ، نورتونا و متشكرين ع الاكل اسر ، عيب تقول كده احنا من النهارده اخوات اللي تعوزوه اطلبوه مني و انا تحت امركم احمد ، الله يخليك و راح باصص ع الموبايل دي رؤى بترن اسر ، ما ترد احمد ، الو ايوه يا قلبي رؤى ، اي يا حبيبي عاملين ايه و اخبار اخواتك اي احمد ، تمام الحمد لله رؤى ، اتغديتوا ايه احمد ، اسر بيه و آدم بيه جابولنا اكل جاهز و اتغدوا معانا رؤى ، بجد احمد ، اه هما موجودين اهم رؤى ، طب هات اسر بيه أكلمه احمد ، تمام اسر بيه اتفضل كلم رؤى اسر ، احمم وبلع ريقه الو رؤى ، متشكره لحضرتك على اهتمامك اسر ،. لا ابدا بتشكريني ع ايه دول اخواتي رؤى ، أمم اخواتك و اللا بتكفر اللي عملته في اختهم اسر ، لا اخواتي و لو ع اختهم فهي اللي ل**نها طويل و تستاهل اللي حصلها رؤى بغضب ، تستاهل أمم تمام بقول لحضرتك ما كفايه كده و بالسلامه بقا عشان اخواتي بيناموا بدرى اسر ، احمم تمام احنا كنا ماشيين اصلا وراح عاطي الموبايل لاحمد و قام وقف ياللا يا آدم ادم ، في ايه يا اسر اسر مشي وفتح الباب و نزل و ادم وراه احمد ، انتي عملتي ايه في الراجل رؤى ، طردته احمد ،. ده خرج جرى ووشه قلب الوان رؤى ، يستاهل بس كده يا للا اقفل الباب عليكم و ناموا يا حبيبي و بكره الصبح هخرج باذن الله احمد ، تمام يا حبيبتي سلام اسر نزل الشارع وواقف قدام العربيه شاف محمد واقف مع أصحابه و عمال يشم في كوله ع جنب راح جرى عليه اسر ، انتو بتعملو اي محمد ، رمي علبه الكوله من أيده مش بنعمل حاجه اسر ، اومال اي دي محمد ، دي دي دي اسر ، اممم تعالي معايا يا حلو ادم ، بالراحه ع الولد يا اسر اسر ، انت عندك كام سنه ياد محمد ، أنا اربعتاشر اسر ، يعني في سنه تالته اعدادي محمد ، اه اسر ، تمام أنا هرميك في الأحداث عشان تتربي محمد ، لا و النبي حرمت خلاص احمد رايح جرى ع أخوه احمد ، في ايه اسر ، الاستاذ اللي انت باعته يجيب حاجه ساقعه لقيته واقف مع أصحابه بيشموا كوله احمد بصدمه ، انت اتجننت يا محمد محمد ، ده كداب يا احمد متصدقوش اسر ، ورحمه امي مانا سيبك عشان قلت ادبك دي ياللا معايا ع القسم ادم ، خلاص يا اسر ده عيل صغير اسر ، اسكت يا آدم لو سمحت وراح اخد الولد في عربيته وراح ع القسم احمد ، الو الحقيني يا رؤى اسر بيه اخد محمد ع القسم رؤى بصدمه ، اي انت بتقول اي ليه احمد ، اخوكي كان بيشم كوله و أما اسر بيه شافه و بيقولي راح شاتم اسر بيه وهو اخده عالقسم و حلف لهيرميه في الأحداث رؤى ، يا مصبتي أنا هحل كل حاجه حالا سلام يارب استر يارب ساره ، في ايه يا بنتي رؤى ، الغول اخد محمد اخويا عالقسم ساره ، ياني هو الراجل ده مش هيتهد بقا رؤى ، لبسيني يا ساره معلش ساره ، هتروحي فين يا رؤى باللي انتي فيه ده رؤى ، لبسيني قبل ما يضيع الولد اااه ربنا ينتقم منه ساره ، ماشي يا رؤى ////////////////// في القسم اسر ، ها عرفت أن الله حق واللا لسه محمد ، ع فكره انا مش خايف منك اصلا اعمل اللي عايز تعمله ادم ، اسر اهدا ده عيل صغير اسر ، أنا مش هعمل فيك حاجه اصلا أنا مش عايزك تضيع نفسك انت لسه صغير خاف ع نفسك و ع اخواتك انتو المفروض تخافوا ع نفسكم عشان تبقوا كويسين و تبقوا في ضهر بعض محمد ، أنا مش عايزهم هما مبيحبونيش اصلا اسر ، ومين قالك كده محمد ، هما عالطول بيزعقولي و بيشتموني أنا محدش بيحبني اسر ، مش يمكن خايفين عليك و كمان انت شكلك لمض وشقي و هما شكلهم عاقلين شويه محمد ، أنا وراح مبرق و باصص ورا اسر اسر ،. في ايه و بص وراه رؤى ماسكه جنبها و سانده ع ساره رؤى ، في ايه يا اسر بيه انت مالك و مالنا أمم انت ااااه اسر ، انتي ايه اللي جابك هنا و انتي تعبانه رؤى ، ااه اخويا الصغير مالوش دعوه باللي قولتهولك في الفون لو عايز تقبض ع حد اقبض عليه مانا خلاص بقيت وش اقسام اسر ، ممكن تتفضلي في مكتبي دقيقه رؤى ، تمام وحاولت تدخل وساره مسنداها لحد ما دخلتها وخرجت وقفت بره اسر قفل الباب رؤى ، في ايه عايز ايه اسر ، عايزك رؤى ، نعم اسر ، هسيب اخوكي مقابل تبقي بتاعتي رؤى ، انت بني ادم سافل و اسر ، كلام كتير مش عايز هتعملي ايه ارميه في الأحداث و اضيع مستقبله رؤى ، ليه كده انت مفيش عندك ضمير اسر ، تؤتؤ رؤى ، طب ممكن اعرف عايزني ازاي اسر ، هجيب المأذون حالا و تروحي معايا الفيلا رؤى ، مأذون اسر ، أمم أنا بحب الحلال مليش في الشمال رؤى ، أمم قصدك ايه بالشمال دي اسر ، مقصديش حاجه هتعملي ايه رؤى ، من خمس ايام كنت هبيع جسمي عشان خاطر امي و كان في الحرام ووافقت عشان امي و انهارده هبيع جسمي ببلاش عشان اخويا بس هبيعه في الحلال أظن مش فارقه كده كده انا مش مهمه خالص اهم حاجه اهلي أنا موافقه يا اسر بيه اسر ، تمام وراح اتصل بالمأذون ساره ، ياترى في ايه دول ملهمش حس ادم ، تفتكرى بيقولو ايه ساره ، و أنا مال امي ادم ، مش يمكن بيعترفلها أنه بيحبها مثلا ساره ، ب ايه هو ده يعرف الحب ادم ، اه طبعا مش بني ادم ساره ، مفيش حد بيحب حد يأذيه كل شويه يا آدم باشا ادم ، مش يمكن بيناكفها او يمكن تصرفاتها هي اللي بتجننه يعني لو كانت رقيقه و صوتها واطي و هاديه مش كان فاته اعترفلها و اتجوزوا من زمان ساره ، اللي زي اسر باشا ميعرفش الحب ادم ، اسر عصبي شويه بس حنين والله ساره ، اه ماهو باين أما ياخد ولد صغير الساعه حداشر ونص بليل ع القسم ادم ، ع فكره محمد هو اسر بيه كلمك وحش أو ض*بك أو قربلك حتي مع انك انت اللي غلطان ساره ، هو انت عملت ايه يا محمد محمد ، كنت بلعب مع صحابي ادم ، مش عايز كدب عشان مقلبش عليك فاهم أنا شايفك بعيني أنا كمان محمد ، كنت بشم كوله ساره ، يا مصبتي انت اتجننت ده جزاء اختك اللي طفحانه الدم عشانكم و انتو تعملو معاها كده ادم ، ها اسر لمسك محمد ، لا ادم ، اسر عمل معاك ايه محمد ، في اللحظه دي خرجت رؤى من الغرفه محمد ، اسر بيه نصحني ابطل اشم كوله و احب نفسي و احب اخواتي بس ملمسنيش و لا أيده اتمدت عليه رؤى ، و سيادتك ناوي تعمل ايه يا محمد بيه محمد ، أنا هبطل و الله العظيم عشان خاطرك يا حبيبتي و هنتبه لدراستي وهبقي احسن حاجه في الدنيا عشانك انتي رؤى ،. وانا مش عايزه حاجه من الدنيا غير انكم تبقوا كويسين و بس يا محمد وراحت معيطه وراح محمد راح وحضنها ادم ، اي ده ايه اللي جايب المأذون دي الوقت هنا جاي يرفع قضيه ع مين اسر ، لا ده هيكتب كتابي أنا و رؤى ساره و ادم و محمد بصوله مره واحده وفي نفس واحد ، ايه انت بتقول ايه ساره بصت لادم ، هو اي ده ده انت صاحبك ادم ، و الله مانتي مكمله بدل ما يتجوزك انتي كمان ساره ، هههههههه رؤى ، هههه مش قادره اضحك ربنا يسامحك اسر ، تعالي يا شيخنا عالمكتب المأذون دخل المكتب و كتب كتاب رؤى و اسر المأذون ، بارك الله لكما وبارك عليكما وجمع بينكما في خير رؤى بدموع ، ارتحت يا محمد كده محمد ، أنا آسف يا رؤى اني السبب ادم ، ده انتي المفروض تبقي فرحانه ده اسر الهوارى غول الداخلية رؤى ، هو من ناحيه غول فهو غول اسر بصلها بغضب ، ياللا يا استاذه محمد ، هي هتروح فين اسر ، هتروح معايا ماهي بقت مراتي خلاص ادم ، أنا هروحك يا ساره انتي و محمد ساره ، لا شكرا هنركب تا**ي ادم ، أنا قولت ايه ياللا يا هانم المأذون لسه ممشاش بدل ما اكتب كتابي أنا كمان و اخد سيادتك و اروح البيت بيكي ساره ، ههههه مش كل الطير اللي يتاكل لحمه ياللا يا محمد ادم ، بزعييق اتفضلي معايا ياللا يا هانم ساره ، تمام ياللا يا محمد محمد ، مش هسيب حقك يا رؤى رؤى ، اهدا يا محمد أنا كويسه مفيش حاجه و غير كده الجواز تم برضايا محمد ، رضاكي و اللا مساومه أنا مش هسيب حقك ياللا يا ساره ساره اخدت محمد وروحوا مع ادم ورؤى ركبت مع أسر و روحت معاه الفيلا بكره بارت جديد انتظروني وياريت اعرف رايكم في التعليقات واشوف التفاعل عشان اعرف رايكم ضرورى جدا

Free reading for new users

Scan code to download app

App Store Google Play

Facebookexpand_more