Isang magandang sikat ng araw ang sumalubong sa mga trabahador ng Hacienda. Ipinagpatuloy nila ang pamimitas ng mga prutas, dahil ngayon araw pupunta yung truck na pag-aari rin ni Don Marcelito.
Hindi alintana ang sikat ng araw, dahil sa sariwang hangin na nanggaling sa mga punong mangga at iba pang puno. Unang pasok mo palang ng Hacienda De Villa, ay puro mga punong mangga na yung makikita. Malinis sa paligid, kaya nakakagaan ng pakiramdam. Iginala ni Iridessa ang kanyang paningin, lalo pa itong gumanda.
Ang bigat sa kanyang dibdib ay biglang nawala dahil sa magandang tanawin, isabay pa yung sariwa at malamig na hangin.
“Auntie Dessa! Habulin mo kami!” sigaw ni Rex, ang kanyang munting boses ay puno ng kagalakan.
“Auntie Dessa, bilis pupunta tayo sa malawak na ilog. Maganda ang tubi
