Pagkalapag na pagkalapag ng eroplano sa JFK International Airport, sinalubong si Iridessa ng malamig na simoy ng hangin ng New York at ng isang lalaking tila gawa sa bato at karangyaan. Hindi mahirap makilala si Ledger Luke Russo. Nakatayo ito sa tapat ng isang itim na Rolls-Royce, napapalibutan ng apat na bodyguard na tila mga estatwa. Ang kanyang gray tailored suit ay sumisigaw ng kapangyarihan, at ang kanyang mga mata—na may pagkakahawig sa talim ng paningin ni Marcelito—ay agad na bumaon sa kanya.
"Ms. Callantes. I'm Ledger. My cousin Marcelito hasn't stopped calling me about your safety," bungad nito, walang ngiti, tanging seryoso ang mukha at walang emosyon. Kaya medyo kinabahan si Iridessa, panibagong tao na naman ang susubok sa kanyang pasensya.
Hindi siya sumagot, nanatili itong
