نظرت إلى ساعتها وهي تترقب وصوله بشوق كبير ، فش*يقها قد عاد أخيرا من سفره بعد غياب ثلاثة أشهر ، ابتسمت بشدة عندما رآته قادم نحوها فتقدمت منه وعانقته وهي تقول:
-"حمد الله على السلامة يا مروان ، ماما هتفرح أوي بالمفاجأة دي".
بادلها ابتسامتها وقال:
-"الله يسلمك يا علا وحشتيني أوي".
نظر خلفها يبحث عن ناريمان ولكنه لم يجدها كما توقع بالضبط ، فزوجته المصون لم تكلف نفسها وتأتي لاستقباله والترحيب به ... لاحظت علا تغضن ملامحه وفهمت ما يدور في رأسه فهتفت قائلة محاولة شرح الأمور له حتى لا يفهمها بشكل خاطئ:
-"ناريمان متعرفش أنك جاي النهارده ، محدش يعرف غيري أنا بس".
زفر بضيق وهتف بسخرية مريرة:
-"ده على أساس أنها لو كانت تعرف كانت هتيجي ، هي أصلا مش موجودة في بيتها زي أي ست بتستنى جوزها يرجع من سفره ، أنا عارف كويس أوي أنها عملت زي كل مرة واستغلت سفري عشان تسيب البيت وتروح الشقة بتاعتها".
حاولت
