“Ate Azel.”
Matapos na makaalis ang kuya ni Fyra at ang girlfriend nito ay mabilis siyang nagtungo sa kaniyang kwarto upang tawagan ang kaibigan. Panigurado kasing umiiyak pa rin ito dahil tuluyan nang hindi matutuloy ang engagement nito at ng kaniyang kapatid. Maski siya ay nalulungkot sa nangyari. Pumayag na sana ang kaniyang Kuya Una kung hindi lang biglang sumulpot pa ang Atasha na iyon. At ngayon pa nga ay gusto pa itong kilalanin ng kaniyang ina na mas lalo niyang ikinainis. Kahit kasi ano pang paliwanag, si Azel pa rin ang gusto niyang maging sister-in-law.
“I can’t believe this, Fyra. Ano bang naging kasalanan ko para danasin ko ang lahat ng ito?” umiiyak na sagot sa kaniya ni Azel mula sa kabilang linya.
Napakagat sa kaniyang labi si Fyra. Nauubusan na siya ng ipapayo sa kaibig
