Napalingon si Fyra sa kaniyang Kuya Uno nang sumigaw ito. Lihim pa siyang napangiti dahil halatang nagagalit ang binata. Ayaw na ayaw kasi talaga nito na nagsu-swimsuit siya, at malamang ay magagalit din ito kay Atasha dahil mas daring ang ipinasuot niyang swimsuit dito. Paniguradong mag-aaway ang dalawa dahil dito.
“Kuya, gusto lang naman naming maligo ni Ate Atasha,” patay malisyang sambit pa ni Fyra.
Kitang kita ni Fyra ang pagtingin ng kaniyang kapatid kay Atasha, mula ulo hanggang paa. Hindi niya alam kung namamalikmata ba siya o sadyang napalunok ang kaniyang Kuya Uno nang pasadahan ng tingin ang dalaga.
Nang lumipat ang tingin nito sa kaniya ay agad siyang ngumiti. “Hindi naman bawal maligo ngayon ‘di ba?” dugtong na sabi pa niya.
“Yes, but not in that kind of clothes,” baritono
