Masayang natapos ang hapunan ng pamilya Marasigan. Laking pasasalamat ni Isabela sapagkat hindi siya masyadong binugbog ng tanong ng mga magulang ni Uno ngunit gayunpaman ay hindi niya mapigilan ang magtaka. Kung tutuusin ay “Meet the parents” na ang set-up nila ngunit hindi naman siya masyadong tinanong tungkol sa pagkatao niya. Sa tingin niya ay hindi pa rin siya lubusang tanggap ng mag-asawang Marasigan, at maski ng lahat ng kapatid ni Uno.
“Ihahatid na kita sa kwarto mo,” seryosong sabi sa kaniya ni Uno nang makatapos silang mag-tsaa.
“Teka, Uno, hindi mo ba papupuntahin sa Leisure Room si Atasha?” nagtatakang singit naman sa kanila ni Agatha.
Kumunot ang noo ni Isabela. Kanina ay hinahamon siya ni Fyra na pumunta sa Leisure Room, at ngayon naman ay inuudyukan din siya ng ina ni Uno
