Pagkatapos maligo ay napagpasyahan ni Isabela na tumanaw na lamang muna sa bintana habang hinihintay ang susunod na utos ng kaniyang boss sa kaniya. Nahihiya rin naman siyang magpakalat kalat sa resort dahil alam naman niyang hindi siya welcome dito. At kahit pa naakit siya sa amoy ng mga pagkain sa Reyes Cuisine ay wala siyang lakas ng loob para um-order ng pagkain doon. Kahit ang alam ng lahat ay girlfriend siya ni Uno, wala pa rin siyang karapatan na magdesisyon para sa sarili niya ngayon.
Ilang saglit pa ay nakita niya ang kaniyang amo na tila wala sa sariling naglalakad sa baybayin ng dagat. Hindi niya makita ang mukha nito sapagkat nakaharap ito sa dagat ngunit alam niyang problemado ang binata. Napabuntong hininga na lamang siya. Hindi niya alam kung ano pa bang dapat iisipin. Hind
