“Sigurado ka bang ayos lang ang kapatid mo, Dos?” nag-aalalang tanong ni Agatha sa kaniyang anak.
Hindi mapanatag ang loob ni Agatha sapagkat hindi niya ma-contact ang panganay na anak na si Uno. Kahapon pa niya ito tinatawagan ngunit hindi naman ito sumasagot. Tumawag na rin siya sa sekretarya nito ngunit maski ang dalaga ay hindi alam kung nasaan ang binata. Hindi niya maiwasan ang matakot para sa anak sapagkat ang nangyari na rin ito apat na taon na ang nakakalipas. Halos isang linggong hindi nagparamdam sa kanila si Uno sa hindi nila malamang dahilan.
“Yes po Ma. Nakausap ko na po siya at ayos lang daw po siya,” magalang na sagot naman sa kaniya ni Dos na kasalukuyang pinapakain ang tatlong taong gulang na anak.
“Babe, malaki na si Uno. I am sure na kaya niyang i-handle ang kaniyang
