السراب البارت الخامس
1485 Words
انا مش عارفه ليه حتى بعد ما عرفت ان ايمن بيحب واحده تانيه . . لسه بفكر فيه .
و مش عارفه ايه الحظ ده يعني اول انسان اهتم بيه يطلع عنده كل المشاكل دي و بيحب و احده كل الحب ده . .
على قد ما كنت محبطه على قد ما كنت حاسه ان ايمن اتعلق بيا و يمكن ده يكون سبب في انه ينسى البنت اللي بيحبها دي .
جه يوم السبت ورحت الكليه مع البنات كالعاده و ألم ه دي قلتلهم اني مش هحضر المحاضره علشان هقعد مع ايمن و طبعا فضلوا يرموا عليا بالكلام و ان في حاجه ما بيني و بين ايمن و طبعا محدش يعرف الحقيقه .
راحوا يحضروا المحاضره و انا فضلت مستنيه ايمن .
لحد ما جه .
كان جاي لابس شيك جدا و حالق دقنه على غير العاده يعني . . كان ديما شكله كام حزين ومكتئب . . . لكن النهارده جاي بشكل جديد .
_ ايمن : ازيك يا دعاء .
_ انا : الحمد لله ازيك انت يا ايمن .
_ ايمن : ماما بتسلم عليكي .
_ انا : الله يسلمها ياارب ابقي سلملي عليها .
_ ايمن : ها هنبدأ امتي درس الانجليزي .
_ انا : يالا حالا . . . .
ابتديت فعلا اشرح لأيمن ازاي يكون جمله بطريقه صحيحه و بعض القواعد في اللغه الانجليزيه.
و بعد ما شرحت له شويه لقيته فجأه و بدون مقدمات بيقولي . . .
_ ايمن : دعاء ممكن تقفي جمبي و تخليني انسى هيام دي خالص .
_ انا : هي اسمها هيام . . انت ما كنتش قلتلي على اسمها .
_ ايمن : ايوه اسمها هيام بس مش ده المهم . . قوليلي مستعده تقفي جمبي و لا لا . أنا فعلا محتاجك .
_ انا : ايوه بس أقف جمبك بصفتي ايه بالضبط .
_ ايمن : صديقه مخلصه . . و لا انت عندك مانع نبقي اصدقاء .
_ انا : لا ما عنديش اي مانع طبعا . .
_ ايمن : بصي يا دعاء انا مش عارف اقو لك ايه بس انا فعلا محتاج حد يقف جمبي و يحاول يحرجني من اللي انا كنت فيه . . حب هيام ده بالنسبه لي كأنه سجن كان باعدني عن الحياه و الناس و علطول حاسس بالذنب و الاحباط و الفشل . .
- انا : ما انا فعلا لازم تنساها . . لان ده حب من غير اي امل . و هي لو بتحبك عمرها ما هتقدر تعيش مع واحد تاني .
_ ايمن : ارجوكي ما تجبيش سيرتها انتي متعرفيش ظروفها .
_ انا : انا مغلطتش فيها يا ايمن انا بقول رأي بشكل عام . .
و انا و ايمن بنتكلم جت إسماء و شيماء و انا فرحت انهم جم كان كلام ايمن ضايقني و حسيت اني مخنوقه منه معرفش ليه .
فضل يتكلم مع البنات شويه و يتعرف عليهم و ده لاول مره يحاول يفتح كلام معاهم و ما يمشيش اول لما جم . . زي كل مره . .
بعدها جت اسراء و قالت إنها عوزاني في موضوع مهم . .
استازنت ايمن و البنات و خت اسراء و اتمشينا سوا بعيد عنهم . .
_ انا : في ايه يا اسراء قلقتيني . .
_ اسراء : ما تقلقي ما فيش حاجه بس عاوزه اخد رايك في موضوع .
و عارفه انك الوحيده اللي هتقول لي اعمل ايه بالضبط
_ انا : خير . . احكي طيب . ..
_ اسراء : احمد عرض عليا ان يعملي حساب على برنامج اسمه التيك توك و ابدا انزل فيه فديوهات علشان الناس تعرفني و اشتهر . .
_ انا : ايوه بس انا بسمع ان البرنامج ده مش حلو .
_ اسراء : مش حلو ازاي يعني .
_ انا : يعني بيقي عليه رقص و اغاني و حاجات كده .
_ اسراء : طيب يعني انت ايه رايك .
_ انا : ممكن نسأل حد يكون عارف الموضوع اكتر مننا .
_ اسراء : بصي يا دعاء هو أحمد اللي هيمسك الحساب و هو اللي هيبقي مسؤل عن كل حاجه . هيبقي مدير أعمالي يعني .
_ انا : مدير أعمالك مره واحده .
_ اسراء: ايوه يا بنتي امال انت فاكره ايه . .
على فكره احمد بيقولي ان الموضوع ده بيجيب فلوس . .
_ انا : كمان . . طيب و الله كويس انا شايفه انه الموضوع كويس و الله مدام هتعرضي موهبتك .
_ اسراء : طيب خلاص هبدا كده و اشوف و ربنا يكتب الخير . .
- انا : ماشي يا اسراء و انا هسال برده كده .
خلصنا كلام انا و اسراء و رحنا عند البنات و خدناهم و حضرنا اخر محاضره و بعدين روحنا مع بعض . .
بليل لقيت اسراء بعتالي فديو و هي بتمثل مشهد من مسرحيه مشهوره و كان تمثيلها حلو اوى و قالتلي ان ده اول فديو تصوره و ان الفديو ده هتنشره على الفيس و على التيك توك . .
شجعتها و بعتلها انه كويس اوي و بجد مع انه اول فديو لها انه كان كويس اوي . . . .
بعد ما اتف*جت على الفديو فصلت سرحانه شويه في كل اللي حصل اليومين اللي فاتوا دول و آخر حاجه في كلام ايمن ليا . .
هو انا فعلا عندي استعداد اني أقف جمب ايمن و اخليه ينسى البنت اللي بيحبها دي . اللي مضايقني ان ايمن كلامه مش واضح . . يعني عاوزني أقف جمبه بصفه اني صديقته . .
كنت متخيله انه معجب بيا . . بس برده اسلوبه بيقول انه معجب بيا . . بس هو ما قلش كده . . أنا خايفه يكون بيلعب بيا . .
انا بجد محتاره . . فضلت افكر كتير لحد ما اخدت القرار انا هكمل في موضوع ايمن ده للآخر . . أنا قلبي بيقولي انه انسان كويس و هو اكيد لما أقف جمبه و اشجعه اكيد هيقدر و اكيد هيحبني . . أنا متأكده من كده . . . .
نمت و انا بفكر في ايمن و تاتي يوم كنت متحمسه اني اروح الكليه علشان اشوف ايمن و نتكلم سوا . . . . .
و فعلا ايمن جه بدري و حضرنا مع بعض محاضره الانجليزي . . و بعد المحاضره قعدنا سوا في الكافيتريا و لان إسماء و شيماء كانوا معانا مكناش عارفين نتكلم براحتنا .
لقيت ايمن بيقولي تعالي نتمشى سوا . فوافقت و استأذنت من البنات و اتمشيت انا و ايمن مع بعض . .
كنت فرحانه اوووي اول مره اتمشى مع شاب لوحدنا صحيح كنا بنامشي داخل الكليه لكن انا كنت حاسه اني بتفسح معاه مش مجرد اننا بنتمشي مع بعض بس
_ ايمن : انا ببقى مبسوط اوي و انا معاكي يا دعاء .
_ انا : انا كمان ببقي سعيده اوي يا ايمن .
_ ايمن : هتفضلي جمبي يا دعاء مهما حصل .
_ انا : ليه بتقول كده . . ايه اللي هيحصل يعني .
_ ايمن : مش عارف . . بس أنا ديما محدش بيفضل جمبي . . كل الناس بتتخلي عني .
_ انا : هترجع تاني تتكلم بكتئاب ... بلاش كده يا ايمن .
- ايمن : يعني انت ما سألتي نفسك ليه انا ديما لوحدي . .
_ انا : يمكن لانك انت اللي بتلعد نفسك عن الناس . . مش معقول الناس دكلهاز وحشه يا ايمن .
_ ايمن : تقصدي ايه . . أنا اللي وحش .
_ انا : ما اقصدتش كده طبعا . . و بعدين مش لازم يبقي في حد وحش يا ايمن .. أنا أقصد انك شايف الناس وحشه فبتبعد عنهم .
_ ايمن : هما فعلا و حسين انتي اللي لسه بريئة و مش عارفه حقيقه الناس كويس .
_ انا : انا مش بحب النظره السوده اللي بتشوف بيها الناس اللي حواليك دي .
_ ايمن : المهم انك جمبي . اوعديني بقي انك هتفضلي جمبي .
_ انا : اوعدك يا ايمن . .
_ ايمن : اول مره احس بالأمان مع حد غير ماما .
_ انا : دي شهاده اعتز بيها بجد . ممكن اسالك سؤال. .
_ ايمن : اه طبعا .
_ انا : ايه اللي حبيته في هيام بالضبط . .
فجأه لقيت ايمن وشه اتغير و رد عليا بمنتهى العصبيه .
_ ايمن : لو سمحتي ما تجبيش سيرتها تاني . . اظن انا قلتلك قبل كده ..
_ انا : طيب .. طيب . . أنا اسفه . . انت بتزعق لي كده ليه . .
_ ايمن : اسف اني انفعلت بس انا قلتلك اني مش بحب اجيب السيره دي . .
و بعد ازنك لاني عاوز امشي .. ....
و فجأه سبني لوحدي و مشي . .. . بقيت واقفه لوحدي و انا في نص هدومي من ال**وف . ايمن كلمني بأسلوب وحش و كمان سبني و مشي . ..
رجعت للكافتيريا و لقيت اسماء و شيماء هناك .. فضلت قاعده معاهم وو شي كان احمر و حاولوا يعرفوا مالي بالضبط بس انا مردتش احكي لهم حاجه . . بعدها بشويه اسراء جت وروحنا . . و طول السكه و انا ساكته و هما كانوا بيحاولوا يعرفوا انا فيا ايه لكن انا محكتش اي حاجه . . . .
- Writer
