السراب

السراب البارت السادس

كان باين عليا جدا أن في حاجه و البنات مردوش يسبوني لوحدي . .

رحنا كلنا عند شيماء في البيت بعد إلحاح كبير .

و بعدها اتغدينا سوا و حكيت ليهم كل اللي حصل بالتفصيل .. .. ..

_ اسماء : انا شايفه ان ايمن ده معقد .

_ شيماء : او انه بيحب الست المتجوزه دي بجد .

_ اسراء : لا انا مان شيفاه معقد و لازم تبعدي عنه يا دعاء .

_ انا : معقول يا بنات .

إسماء : ايوه يا دعاء ايه اللي يخليكي تربطي نفسك بإنسان معقد . .

_ انا : بس انا و عدته اني مش هسيبه و هفضل جمبه .

_ شيماء : يا سلام يا ختي يعني انتي معنديش مانع تعرفي واحد مريض زي ده .

_ انا : هو انتم خلاص خلتوه مريض يا جماعه .

_ اسراء : دعاء ما تضحيش عن نفسك انت شايفه انه طبيعي . .

و حتى لو كان طبيعي ده بيحب و احده تانيه يا بنتي يعني كمان ما فيش منه امل .

_ انا : انا مش عارفه اعمل ايه . . . بجد انا متلخبطه . . ساعات بحس انه انسان كويس و رقيق و غلبان و ساعات تانيه بيقلب و بيقي انسان عصبي و صعب .

_ شيماء : طب و انت عليكي بايه بقي يا بنتي . . كبرى دماغك بقي و انسى الواد ده خالص .

_ انا : هو انا بحكي لكم علشان تقولولي كده .

_ اسماء : امال انتي عوزانا نقول لك ايه يا دعاء . عوزانا نقولك خليكي معاه . . بس لو انت عاوزه كده استحملي بقي اللي هيحصل لك لأنه انسان مش طبيعي .

_ انا :انت ليه ب تخوفيني يا إسماء . .

،_ إسماء : هو ده مش رأي انا لوحدي يعني ما اسراء و شيمو بيقولوا نفس الكلام .

_ انا : طيب ليه ما يكونش فعلا محتاج لي . . و انا اقدر اساعده و اخليه ينسى البنت دي و يبدأ معايا حياه جديده .

_ اسماء : انت بتحلمي يا دعاء محدش بيتغير على فكره و حدش بيقدر يغير حد .

_ انا : بس انا حاسه اني حقدر اغيره .

_ اسراء : لا بقي يبقي انت م**مه . . براحتك بقى بس ما ترجعيش تقولي إننا ما قلنا لكيش . .

_ انا : يا ستي مش هقول حاجه بس انا عاوزه اتأكد أن كنت صح و لا لا .

_ شيماء : ايوه يعني انت ناويه على ايه بالضبط .

_ انا : مش عارفه يا شيمو بس لازم برده اخد موقف ماهو مش معقول اكلمه عادي بعد ما زعق لي امبارح كده .

_ شيماء : بصي اللي انت شيفاه صح اعمليه بقي احنا تعبنه معاكي الصراحه .

خلصت كلام مع البنات و لا هما اقتنعوا بوجهه نظري و لا انا اقتنعت بوجهه نظرهم . .

روحت و انا لسه مضايقه كلام البنات ضايقني اكتر يمكن عندهم حق و ايمن انسان مش كويس بس انا وعدته اني هقف جمبه و مش هتخلى عنه .

ايه المشكله لو حاولت اغيره . . أنا حاسه اني منجذبه له و يمكن دي اشاره اني اعرف اغيره .

كلام البنات صحيح ضايقني اكتر ما انا كنت مضايقه لكن ده مش هيغير موقفي انا ناويه أقف جمب ايمن لحد ما ينسى هيام دي خالص . .

بس برده لازم اخد منه موقف و لازم يعرف اني مش هسكت و اعدي ذموصوع انه يزعق لي و يتكلم معايا بالاسلوب الصعب ده تاني .

و اللي كنت متوقعاه حصل . . بعد ما روحت البيت لقيت ايمن باعتلي كتير جدا على رسائل الفيس بوك و بعتزر على اسلوبه معايا و عصبيته . . لكن انا مردتش قريت كل الرسايل و مردتش عليه . مش بس كده انا قررت اني مش هروح الكليه بكره . و بعت للبنات قلت لهم اني مش هروح الكليه . . و شيماء و اسماء قالوا انهم كمان مش هيروحوا لكن اسراء قالت إنها لازم تروح علشان عندها بروفه و ما ينفعش تغيب . .

و كنت متوقعه ان ايمن هيتصل بيا لما يروح الكليه و ما يلقنيش . . بس اللي حصل انه خلي مامته تكلمني . .

_ انا : الو . .

_ مامت ايمن : ازيك يا دعاء يا بنتي عامله ايه . ..

_ انا : الحمد لله ازي حضرتك انت يا طنط .

_ مامت ايمن : ايه يا دعاء . . مالك ايمن بيقول انك زعلانه منه .

_ انا : لا ابدا يا طنط مش زعلانه و لا حاجه .

_ مامت ايمن : أنال ايه مش بتردي عليه من امبارح و ماجتيش الكليه النهارده . .

- انا : ابدا يا طنط انا تعبانه شويه بس ..

_ مامت ايمن : سلامتك يا حبيبتي . . بصي يا دعاء انا مش عوزاكي تزعلي من ايمن هو صحيح عصبي بس و الله طيب اوي و فعلا ما كنتش يقصد انه يزعل لك ما تتصوري هو مضايق قد ايه .

.

_ انا : خلاص يا طنط حصل خير . .

_ مامت ايمن : يعني انت دلوقتي مش زعلانه يا دعاء.

- انا : انا عاوزه مصلحته و الله . . الغريب يا طنط ان مكنتش فيه سبب و فجأه زعق و اسلوبه اتغير خالص كلنه انسان تاني . ...

- مامت ايمن : معلش يا بنتي حق عليا انا . . امسحيخا فيا انا .

- انا : لا يا طنط و حضرتك ايه زنبك بس . .

_ ماما ايمن : طب خدي ايمن معاكي اهو . .

_ ايمن : اوعي تكوني لسه مش عاوزه تتكلمي معايا .

_ انا : لا عادي . . .

_ ايمن : انا اسف يا دعاء مكنتش اقصد ازعق لك .

_ انا : خلاص يا ايمن حصل خير . .

- ايمن : بجد خلاص مش زعلانه . .

_ انا : اه و الله خلاص . . أنا مقدرش افصل زعلانه بعد ما طنط بنفسها كلمتني . .

- ايمن : على فكره هي اللي **مت تكلمك انا كل اللي قلت لها انك زعلانه مني لاني كلمتك بأسلوب مش حلو بس هي أثرت انها تكلمك . .

- انا : طنط دي زي العسل و الله ربنا يخليها لك يااارب . . .

_ ايمن : يا رب . .

قفلت مع ايمن و انا فرحانه لانه على الاقل ما هنش عليه زعلي و حاول انه يصالحني و ده رجعلي كرامتي . و البنات على لأقل لما يعرفوا هيبطلوا يقولولي ابعدي عنه و هيتاكدوا انه انسان كويس . . زي ما انا متاكده . .

كنت مش عارفه ابعت للبنات اقولهم و لا استني لما اشوفهم تاني يوم . . .

بس بعد شويه لقيت الباب بيخبط و اسراء جات تقعد معايا بعد ما رجعت من الكليه او بمعنى أصح بعد ما رجعت من البررفه . .

_ اسراء : ايه بقي يا استاذه ما جتيش الكليه النهاوده ليه . وخليتي البنات ت**ل هما كمان .

_ انا : ما كنش ليا نفس انزل خالص يا اسراء . .

_ اسراء : علشان موضوع ايمن . . مش كده .

_ انا : انا عارفه انكم مش هتفهمو ني .

_ اسراء : نفهم ايه بالضبط . . الصراحه يا دعاء انت متغيره موضوع ايمن ده مغيرك خالص . .

_ انا : بصي يا اسراء حاولي تفهميني انا حاسه ان ايمن محتاج لي و ان انا لازم أقف جمبه .

_ اسراء : و احد و بيخب و احده متجوزه . . يبقي محتاج لك في ايه انا شايفه انه انسان مش كويس اصلا هو لو كويس مش هيحب اصلا واحده متجوزه الصراحه هو مش عارف يصعب عليا خالص .

_ انا : ليه متقوليش انه غلبان و انها هي اللي بتلعب بيه .

_ اسراء : انتي محسساني انه عيل صغير . .

_ انا : على فكره اتصل بيا هو و مامته علشان يصلحني . .

_ اسراء : مش عارفه اق ل ايه الصراحه يا رب ما يكونش بيلعب بيكي يا دعاء

_ انا : قوليلي بقى اناي عامله ايه مع احمد . .

_ اسراء : احمد انسان كويس اوووي و نبهور بموهبتي .

_ انا : انا شفت الفديوهات بتاعتك حلوه فعلا يا اسراء .

_ اسراء : بجد . . بجد يا دعاء .

_ انا : اه و الله . . أنا متأكده انك هتبقي مشهوره زي ما بتكلمي طول عمرك .

_ اسراء : يارب يا دعاء . . . . . عرفتي اخر اخبار اسماء و شيماء .

_ انا : ما لهم ما هما بعتهولي انهم مش هيروحوا الكليه النهارده لما قلت لهم اني مش رايحه . .

_ اسراء : لا اصلهم بيفكروا يفتحوا مشروع . .

_ انا : مشروع ايه . . . حاجه غريبه . .

_ اسراء : مشروع اكل . . . شيماء هتدخل برأس المال و إسماء هي اللي هتدير المشروع . .

_ انا : ايه ده بجد . . طب و الله يبقوا شاطرين لو عملوا كده فعلا .

_ اسراء : ايوه بجد هيعملوا المشروع ده و بيفكروا يفتحوا صفحه على الفيس يبداوا ببيع الاكل فيها .. . ...

_ انا : انا بشجع عهم الصراحه . . .

_ اسراء : طيب ايه رايك ما تيجي نروح نقعد معاهم شويه هنا اصلا عند شيماء في البيت . . .

_ انا : لا يا اسراء الوقت اتأخر و زمان اسماء هتروح اصلا مش معقول تقعد كل ده عند شيماء و بعدين انتي عارفه اخواتي مش هيرضوا يخلوني اخرج متاخر كده . .

_ اسراء : طيب بقولك ايه هتيجي بكره الكليه و لا لا . . .

_ انا : اه ان شاء الله اكيد هروح الكليه .

_ اسراء : طيب خلاص ان شاء الله نتقابل بكره و نروح سوا . .

_ انا : تمام . .

روحت اسراء و انا فضلت قاعده افكر في كل اللي بيحصل . . و الصراحه مهما قالولي او كان رأيهم ايه انا مش هبعد عن أيمن .. .. .. ..

انا متاكده انه انسان كويس و متأكده انه هينسي البنت اللي بيحبها دي خالص و هبحبني انا و هبقي كل حاجه في حياته .. .

و انا بفكر في ايمن لقيته باعتلي رساله على الماسنجر و بيقولي انه مش قادر يسامح نفسه لانه زعلني و أمه عمره ما هيعمل كده تاني . . . .

قريت الرساله و حسيت اني انتصرت و كان عندي حق اخ من ساعه ما زعلت منه و هو مش على بعضه مره يبعت في رسايل و مره يخلي مامته تكلمني و دلوقتي اهو مش قادر ينام غير لما يصلحني تاني . . . . .

ومع ذلك مردتش عليه برده . . . و نمت من غير ما ارد على رسايله . . . .