Binalot ng takot at pangamba si Troy sa kanyang nakita sa kababatang si Danilo. Matapos nito punasan ng mabilis ang dugong tumulo sa ilong nito ay ngumiti ito sa kanya. Magkatabi lang ang kanilang inuupuan ng mga sandaling iyon.
"Tol yung totoo, may sakit ka ba?" Nabahahala niyang tanong.
Ngumiting muli sa kanya ang kababata.
"Tol, maayos ako. Sa init lang ng panahon siguro kaya dumugo ilong ko. Huwag mo ng pansinin iyon."
Tinignan lang niya ang kaibigan pero kabado siya sa kanyang mga nakikitang pagbabago sa kababata. Tumingin siya sa kung nasaan sina Jhon at ang nobya nitong si Jasmin. Maging ang mga ito ay nakatingin sa kanila. Saka siya nagpaalam saglit sa kababata at lumapit sa dalawa.
"Ayos lang ba dude yung bestfriend mo?" Tanong ni Jhon sa kanya at saka ito tumingin kay D
