Bakas sa mukha ni Levi ang galit at pagtataka sa kanyang sinabi. Kinakabahan siya habang papalapit ito sa kanya at ng makalapit na ito sa kanya ay hinawakan siya nito sa kanyang magkabilaang balikat.
Madiin iyon at malakas. Nasasaktan siya.
"Saan mo nalaman ang sinabi mo?" Matalim ang tingin sa kanya ni Levi.
"Le-Levi, sandali lang. Nabigla lang ako."
"Sagutin mo ang tanong ko!" Tumaas na ang boses ng lalaki.
"Na-nakita ko sa wallet mo." Pagsisinungaling niya. Ayaw niya na pati si Jhon ay madamay sa galit ni Levi.
"Kailan ka pa nagkaroon ng karapatan na pakialaman ang gamit ko? Wala kang karapatan Troy! Lalong lalo na ang manghimasok sa personal kong buhay! Alalahanin mo bayaran ka lang!" Galit na sigaw sa kanya ni Levi.
"Pasensya na sa ginawa ko Levi. Na-curious lang kasi ako
