Hindi niya maintindihan ang pakiramdam ng mga sandaling iyon, ang kaba ay nahaluan ng pagkabigla at pagkalito sa kanyang narinig mula sa matalik na kaibigan. Kunot noo siyang nakatingin sa kababata at ang titig nito sa kanya ay kakaiba. Titig na ngayon niya lang nakita mula kay Danilo.
"Tol anong pinagsasabi mo? Lasing ka na. Tara na upang makapagpahinga ka na. Nakarami ka ng nainom eh." At tumayo siya upang alalayan na ito palabas ng kubo. At hinawakan nito bigla ang kanyang bisig.
"Tol, mahal kita."
Napabuntong hininga siya sa sinabi ng kababata.
"Tol alam ko iyon. Mahal din kita kasi diba, tayong dalawa ang magkakampi mula noon? bukod sa sabay tayong lumaki. Parang kapatid na ang turing ko sa'yo."
Yumuko ang kanyang kaibigan sa sinabi niya. At binitawan ang pagkakawahak sa ka
