PAGSAPIT NG MADALING ARAW ay muling bumiyahe si Thisa pabalik sa Probinsya. Kahit pagod na pagod siya sa mahabang biyahe kahapon, at napuyat sa party ay hindi niya ito ininda. Ang mahalaga sa kanya ay makabalik siya bago ang takdang oras na ibinigay sa kanya ni Daniel, para hindi tuluyang magalit sa kanya ang asawa.
Matapos nilang mag-usap ni Bruce kagabi ay nagpasundo si Thisa kay Aries, para ihatid siya nito sa kanyang Mansion. Pagdating naman ni Thisa sa kanyang kuwarto ay agad siyang naligo at nagbihis. Muli siyang nagdala ng ilang mga gamit at inilagay niya ito sa maliit niyang travelling bag. Matapos masiguro ni Thisa na kompleto na ang kanyang kailangan ay muli siyang lumabas ng kanyang kuwarto at nagtungo sa Library. Muli siyang dumaan sa kanyang Secret passage na nasa basement n
