“ANO ITO?”
Inabot niya sa akin ang tatlong pahina ng papel na siya namang mataman kong tinitingnan. Muli akong napatingin sa kanya na puno ng pagtataka. Ni hindi niya sinabi sa akin kung saan kami pupunta at ano ang gagawin namin dito sa opisina ng kanyang kaibigang si Brent.
“Basahin mo muna ‘yan bago lagdaan. Pero uunahan na kita sa nilalaman ng mga dukomentong ‘yan. Napapaloob diyan ang pangako kong financial na suporta sa nanay mong may sakit. Ang paghahanap sa kapatid mong nawawala at ang kabayaran sa malaking pagkakautang mo sa Kuya Dakin ko. Kung may nais kang ipabago ay gagawin natin sa lalong madaling panahon, ngunit iyon ay kailangan nating pagkasunduan muna,” saad niya.
Sa mga sinabi niya ay wala na akong mahihiling pa, iyon naman ang mission ko sa buhay ng sa ganoon ay matah
