Lampas alas-singko na nang matapos si Maynard at Laurenne at makapaghanda para sa pag-uwi. Nang nasa parking lot na sila, nagsisimula ng dumilim ang paligid at naramdaman nila na may maliliit na ambon ang pumapatak sa kanilang pisngi kaya binilisan nila ang paglakad.
“Grabe ang araw na ʼto!” sabi ni Laurenne habang nag-iinat ng kanyang mga braso. “Kung alam ko lang na maaksyon ang araw na ʼto, sana hindi ito ang sinuot ko.” Pinagmasdan niya ang kanyang nalukot na bestida at ang maduming heels dahil sa pinasukan nilang kakahuyan kung saan nangyari ang aksidente. “Nakakapagod ang maghapon natin. Nakakatamad tuloy magmaneho papunta sa bahay nina Auntie Belle at Uncle Dino,” reklamo niya.
“Taga saan ba sila?” tanong ni Maynard.
“Sa San Pedro.”
“San Pedro? Laguna?” Kumunot ang noo ni Ma
