Sa loob ng kalahating oras, nakaupo lang si Laurenne sa backseat ng sasakyan ni Maynard habang nagbabasa ng magazine na binili niya sa convenience store na nasa tapat ng building. Pinakikinggan niya ang mga eksaheradang buntong-hininga at pag tsk, tsk! ni Keiah sa front seat. Mas pinili na lang ni Laurenne ang manahimik at huwag ito pansinin.
Nang bumalik si Maynard, hindi man lang siya pinansin ni Keiah. Pero parang balewala lang naman ʼyon kay Maynard. Hindi man lang niya tinapunan ng tingin ang kanyang date.
Lumingon agad si Maynard kay Laurenne nang makaupo sa driver's seat. “So, ayon! Pinaliguan ko na ang BLIND DATE mo at pinahiga ko na sa kama niya. Nilinis ko na rin po ang salas niya na puno ng suka. And NO thanks to you!” May diin ang mga salita ni Maynard.
“Ay grabe! Hulog ka
