Hawak ni Maynard ang kamay ni Laurenne papunta sa dance floor. Walang nagawa ang dalaga kundi sumama na lamang ng kusa.
“Ano ka ba? Hindi ko akalain na gustong-gusto mo pala akong maisayaw!” halos sigaw na sabi ni Laurenne.
“Excuse me! No, I'm not!” sigaw ding sagot ni Maynard. “Gusto lang kitang ilayo kay Keiah para sabihin sa ʼyo na tigilan mo na ang pambobola sa kanya at baka kung ano-ano pa ang tahiin mong kwento pag nagtagal ka pa na kausap siya.”
Nang marating nila ang gitna ng dance floor, napalitan ng slow song ang tinutugtog ng banda. Magkaharap na sila ngayon. “Eh, bakit ba! Para namang wala lang ʼyon sa kanya,” inis na sagot ni Laurenne. “Ni hindi nga niya alam na binobola ko lang siya. And she even thinks that Joseph Alva is my favorite singer. Duh! Paniwalang-paniwala nam
