TYRION LANNISTER
Huminto kami sa pamilihan kung saan may maraming tao. Siguro naman ay hindi na kami mapapansin dito kaya rito na rin namin naisipan na simulan ang paghahanap sa prinsipe.
"Oo nga pala, Tyrion. Alam mo na ba ang itsura ng prinsipe na hinahanap na 'tin?"
Lumingon sa akin ang tatlo kong kasama at isang tango lang ang tinugon ko sa kanila dahil baka magtaka ang mga tao kapag bigla akong nagsalita kahit na hindi naman sa akin nakatuon ang atensiyon nila.
Nagsalubong ang dalawang kilay ng mga kasama ko dahil sa naging sagot ko. Napasapo na lang ako sa aking noo dahil saka ko lang naalala na hindi ko pa nga pala nakikita ang prinsipe ayon sa kanilang kaalaman. Hindi pa rin nila ito napapakita sa akin kaya nakakaduda talaga ang naging sagot ko.
Napakamot na lang ako sa ak
