“Daddy!” sigaw ulit ni Nexus na pilit pang inaabot ang tatay niyang nakatingin pa rin sa akin. Gulat na gulat ito nang makita ako. Hindi yata makapaniwala na dadalo ako sa birthday niya. ‘Di ko naman siya masisisi dahil hindi naman niya ako inimbita.
Parang gusto ko na ring maglaho sa paraan ng pagtitig niya sa akin na mukhang kakainin ako ng buhay. Agad akong nag-iwas ng tingin at nilingon si Nexus na naglilikot na sa pagkakahawak ni Kerby. Gusto na nitong bumaba at salubungin ang ama.
Ramdam ko ulit ang pagkirot ng puso ko. I know it’s my fault bakit hindi araw-araw na kasama ni Nexus ang ama niya. Kung sana mas pinag-isipan ko ang desisyon ko noon. Sana ay buo ang pamilya namin at hindi ko makikita ang anak kong nangungulila ng husto sa tatay niya. Gaya ngayon na kitang-kita ko sa mga
