“Mi…” Akmang hahawakan ko si Piggy pero agad nyang inilag ang kamay niya. Iniwasan niyang dumampi ang kamay ko sa kanya. Hilam na hilam na ng mga luha ang mukha niya.
Pinagtitinginan na rin kami ng ibang mga tao sa ospital pero wala akong pakialam doon. Mas nag-aalala ako sa kapakanan ng anak namin.
“No!” Sabay waksi ng kamay ko. “You promised me, Jeremy! Nasaan ang anak natin? Nasaan si Nexus?!” aniyang pinagsusuntok ako sa dibdib.
“I’ll find him okay? Hindi ko naman hahayaan na may mangyaring masama sa anak natin–”
“Sinabi mo rin ‘yan kanina! Pero nasaan ang anak natin?!” aniyang tuluyan ng humagulhol.
Niyakap ko siya nang mahigpit. At kahit pa nga tinutulak niya ako ay hindi ako bumitaw. “Ihahatid muna kita sa kwarto. Tatawagan ko sila Mommy at Daddy pati na si Ashley para may ma
