Unang pagmulat pa lang ng mga mata ko ay pansin ko na agad ang pananakit ng kaliwang balikat ko. Nilingon ko iyon at nakitang may benda iyon at naka-cast. Napansin ko ring nakaswero ang isa kong kamay na walang cast. Pinalibot ko ang paningin ko sa kwarto kung saan narorooon ako. Puti ang dingding at amoy medisina ang lugar. May duda na ako kung nasaan ako at muling inilibot ang paningin ko sa loob ng kwarto na medyo may kalakihan din. Medyo mahilo-hilo pa rin ako at wala pa sa tamang huwesyo. Inabot ko ang ulo ko at marahang hinilot iyon in hopes na mawala ang hilo ko. Napapikit pa ako nang maramdaman ang kaunting kaginhawaan noon.
“Bro, gising ka na pala. Teka tatawagin ko ang doktor.”
Napamulat ulit ako at napatingin sa direksyon ng boses. Si Matt pala. Nakaupo siya sa mahabang sofa a
