---------
***Third Person’s POV***
-
Ang gabi ay sadyang marangya—tila isang pelikulang ginawang realidad. Ang buong ballroom ng Harisson Mansion ay puno ng gintong liwanag, kristal na chandelier, at mamahaling dekorasyon na umaalingasaw ng karangyaan. May mga violinist sa gitna, mga waiter na nakaputi’t may guwantes, at bawat bisita ay nakasuot ng pormal na damit na parang sa royal ball.
Ika-40 anibersaryo iyon ng mga magulang ni Aiden—isang engrandeng selebrasyon na pinaghandaan ng halos buong pamilya. Ngunit may dala si Aiden na hindi kayang pantayan ng kahit anong regalo: ang pinakatago niyang lihim sa mga magulang niya, na halos apat na taon din inilihim sa kanya ni Zariyah.
Tahimik siyang pumasok sa malawak na bulwagan, suot ang klasikong black tuxedo. Sa tabi niya ay ang maliit
