Malakas na pumapainlanlang ang tugtugin. Paulit-ulit na dito ay pinapatugtog ang awitin ng aming pagtatapos. Magtatakip-silim palang pero nakasindi na ang mga poste ng ilaw dito sa plaza ng aming bayan. Dito gaganapin ang aming huling martsa. Napapalibutan ng mga palamuti ang buong palid ng nasabing plaza. Kasabay ng malakas na tugtugin ay ang maingay na mga nagtitinda ng kung anu-ano.
Maingay din ang mga estudyanteng suot na ang kulay puti nilang toga, bakas ang saya at pagkabalisa sa kanilang mga mukha at mata. Mayroon ng kumukuha ng mga litrato hindi pa man kami nagsisimula. Isa na doon ay si Eriza na abala sa mga magulang niya. Nakita ko pa na kasama niya kanina sa mga litrato si Arlo.
“Miura, picture!” malakas niyang sigaw na pilit na inaagaw ang aking atensyon. “Miurasel?!”
Hindi
