GILMARIE POV
Tulala pa rin ako nang makabalik na kami ni Rosh sa bahay ni mommy. Sa akin niya na rin mas piniling sumabay kahit pa may sarili pa itong driver na nagmaneho sa kanila ni Alphrase kanina. Hindi ko naman na mabilang kung ilang buntong-hininga na ang pinakawalan ko habang nagmamaneho.
"Bago mo pa man sabihin kanina ate na ayaw mong umalis si kuya Alphrase, basang-basa na kita agad sa bahay pa lang na gusto mo siyang pigilan na bumalik ng Amargo," ani Rosh na siyang bumasag sa katahimikang bumabalot sa amin. "You were just scared of something. Siguro natakot ka lang din na marinig kay kuya na talagang gusto na niyang umalis."
Hindi ako nakaimik. Masyadong maraming rason kung bakit ako natakot na umamin, kung bakit hinold back ko ang sarili ko na pigilan siya at kung iisa-isah
