GILMARIE POV
"Hindi ka pa ba papasok sa loob?" tanong sa akin ni Kamisha na naghahanda na rin sa pag-alis habang nakahawak sa braso ni Ethan.
Katatapos lang ng inumang naganap para sa birthday ni tito Aiden kaya umuwi na rin sina Ariella sa bahay nila. Si Alphrase naman ay kasama rin nila dahil kailangan niyang alalayan si tito Aiden na tinamaan din ng alak. Nakailang bote rin kasi kami ng lambanog so I can't blame them. Maging si Andrius ay lasing dahil doon.
Ngumiti ako kay Kamisha. "Aayusin ko lang 'to rito tapos papasok na rin ako sa tinutuluyan namin," ani ko.
"Samahan ka na muna namin—" pinutol ko ang dapat ay sasabihin nito.
"Ano ka ba, okay lang ako," I assured her. "Isa pa, late na rin. Magpahinga na kayo at mukhang pagod ka na rin pati iyang si Ethan."
She smiled at me
