احببت شرطية

الفصل الرابع

بسم الله الرحمن الرحيم ''

" احببت شرطية "

( الفصل الرابع )

تانى يوم صحيت يسر واتوضت وصلت ولبست عشان تنزل تروح الشركة

وهى نازلة تلفونها رن

اول ماشافت الاسم ع الشاشة ابتسمت تلقائيا وردت بلهفة وسعادة

الوووو ياحضرت العميد ازيك ياحبيبي وحشتنى اووووى اوووى يابابا

رد عليها والدها بحب ازيك انتى يابنتى وحشتينى اوووى عاملة اية طمنينى عليكى يايسر

يسر بضحكة؛ حيلك حيلك بس يابابا كل دى اسالة اطمن ياحبيبي انا تمام الحمدلله انت اخبارك اية طمنى عليك

نطق والد يسر بحزن طول ماانتى بعيدة عنى انا مش تمام يايسر '

"يسر " بشفقة على حالتة حبيبى يا بابا متقلقش كلها شوية صغننين وهكون معاك وجمبك ومش هبعد عنك تانى ابدا

نطق هو بحنية ماشى ياحببتى اهم حاجة خلى بالك من نفسك يايسر وابقى طمنينى عليكى من وقت للتانى متسبنيش قلقان كدة

يسر حاضر ياحبيبى

الاب فامان الله يابنتى مع السلامة

قفلت يسر مع والدها وذهبت الى الشركة ولاكنها اول ما خطت باب المكتب

لقيت حد بيمسكها من وسطها جامد جدا وبيقولها بهمس جوار اذنها

عندك نص ساعة تاخير ياانسة كنتى فين ؟!

لفت وشها نحيتة عشان تضربة باالقلم بس افتكرت انها هتبوظ كل حاجة لو عملت كدة فااتصرفت بهدوء

وفكت ايدو من على خصرها ثم نطقت بصرامة وبنظرات كلها تحذير ؛

انت ازاى تعمل كدة !

نطق حسام ببرود وهو ينظر لها بحبث وهو انا عملت اية؟

ردت يسر بعصبية انك تمسكنى بطريقة دى؛

حسام ببتسامة مستفزة واية المشكلة السكرتيرة بتعتى وعادى اتعامل معاها بالطريقة الى تريحنى وتعجبنى فى نفس الوقت

يسر بغيظ المشكلة يا استاذ يامحترم انك لو ملتزمتش حدودك معايا انا هعرفك شغلك مش انا يافندى الى اتعامل باالطريقة در

حسام رفع حاجبة وتسائل بحدة انتى اذاى بتكلمينى كدة انتى مش عارفة انا مين وممكن اعمل اية دلوقتى فيكى

ردت يسر بغضب لا عارفة حسام بية ابن صاحب الشركة الى ممكن يرفدنى من هنا دلوقتى

حسام صقف ع ايدو براڤو عليكى ياامورة شاطرة يبقى تسمعى الكلام بقا وتخليكى حلوة والا انتى عارفة انا ممكن ارفدك

نطقت يسر بتحدى ياريت ترفدنى انا اصلا ميشرفنيش انى اكمل معاك او افضل فى مكان زى دة

حسام بنبرة قوية انتى بتقولى اية يابت انتى شكل مخك فى حاحة ومش عارفه بتتعاملى مع مين

نطقت يسر بلا مبالاة الى سمعتة سيدتك وانا عارفة انا بتعامل مع مين كويس المهم انت تعرف بتتعامل مع مين وتلزم حدودك ثم تركتة ورحلت ؛ رحلت من الشركة بااكملها

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

انتى غ*ية يابت انتى انتى اذاى تعملى حاجة زى دة هضيعى مننا كل حاجة بغبائك

يسر بعصبية انا مسمحلكش لا انت ولا غيرك تكلمنى بالاسلوب دة وبعدين مين فينا اللى غبى ياحضرت الملازم

رد خضر بسخرية ابويا !

يسر نعممم

خضر بعصبية اومال اقولك اية انتى اذاى تبهدلى الراجل باالشكل دة وتسبيلو الشركة وتمشى

انا قولت من الاول للعميد حمدى انك هضيعينا دانتى مفكيش ريحة الانوثة والولد بيحب البنات المدلعة قولت انك هتبوظى العملية محدش صدقنى

يسر بتحذير انا قولتلك متتكلمش معايا بلاسلوب دة وانا غلطانة اصلا انى وافقت اشتغل معاك عملية وحدة

خضر انتى كنتى تطولى اصلا تشتغلى معايا غيرك يتمنو اصلا وبعدين ما خلاص ضيعتى ام العملية بغبائك واستهاارك

يسر بنرفزة اللهم طولك ياروح هيفضل يغلط لحد ماافرغ الطبنخة ف مخ الى خلفوه

يابنى ادم افهم الى زى حسام دة لو لقى وحدة سهلة ومتجاوبة معاه اخرو يقضى معاها يومين حلوين وخلاص وبعدها يدور على غيرها. انما لا هيعرفها اى حاجة عنو ولا عن شغلة

انما الى تخلية يحفى وراها دى بقى الى هتبقى الكل فالكل وهتقدر تطلع منو كل حاجة وتعرف عنو كل بلاوية افهم بقا زهقتنى

خضر بستهزاء لا وانتى يابت الى هتخلية يقع ف دباديبك ويقولك على كل اسرارة

يسر بغرور شوووور واى نوت

خضر كلمينى عربى الله يرضى عليكى وقوليلى ناوية تعملى اية بعد الى هببتية انهاردة دة

يسر بلؤم لا لا لا الى زيك ملوش ف الحاجات دى هبقى اعرفك لما ارجع الشغل ودة هيكون قريب اوووى

سلام يا ... خضر باشا

قفلت يسر مع خضر وقعدت تفكر هتعمل اية لحد ما وصلت لحل انها تروح نفس المكان اللي بيسهر فيه حسام كل يوم وتبتدى تلاعبة من هناك .

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

شوفت سيادتك البنت دى هضيعنا كلنا

العميد حمدى خير ياخضر مالك

خضر يسر هانم اتخانقت مع حسام وسبتلو الشركة ومشيت وقالتلة انها مستقيلة

انا من الاول قولت دى متنفعش معايا سعادتك والعملية مش هتم طول ماهى موجودة

رد العميد حمدى علية ببتسامة واثقة لا انا عارف ومتاكد انها ليها غرض من ال عملتة دة وهيفيدها فى تنفيذ مهمتها اسرع يسر ذكية واستحالة تعمل حاجة تبوظ بيها العملية

خضر يعنى سيدتك مش هتلغى المؤمورية وترجعها

العميد حمدى مفيش حاجة هتتلغى وكلو هيمشى زى ماكان هو لعب عيال ولا اية ياحضرت الظابط

خضر تمام يافندم بعد اذنك

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

حل المساء ويسر بدئت فى تنفيذ مخططها لبست واتشيكت ونزلت عشان تروح المكان اللي بيسهر فية حسام

دخلت المكان دة لاول مرة فى حياتها

وكانت كل العيون عليها وعلى جمالها اللي جذب الكل بفستنها الاحمر اللى كان فوق الركبة بشوية ومكايجها الهادى وعيونها الخضرا الجميلة وشعرها الكيرلى القصير

اول ما دخلت قعدت على البار وطلبت مشروب ليها وبعدها بشوية جة شاب قعد جمبها وقال ببتسامة خبيثة وهو يقترب منها الجميل اول مرة ييجى هنا ولا اية

نظرت له يسر ببرود واردفت اها اول مرة اجى هنا

مد الشاب يدة لها واردف رامى هنا ف المكان دة على طول

مدت يسر له يدها واردفت اهلا بيك تشرفنا انا يسر

نطق رامى بحماس تحبى ترقصى يايسر

يسر بصت حوليها تدور ع حسام لقتة قاعد ومش ف المود خالص وحولية بنات كتير

حست ان هى سبب المود الوحش بتاعة دة

وقررت انها تعكرة مودة زيادة

وقالت لرامى شور ارقص ومالو ماارقصش لية

مسكها رامى بسرعة من ايديها وراحو يرقصو على الاستيدج

وفجائة حسام لمحها وهى بترقص وبتتمايل مع رامى اتجنن وغضب جدا

وقام زى الثور الهايج وراح عليها مسكها من درعها بعنف وصرخ فيها

بااعلى صوتة اومال عاملة عليا انا لية الخضر الشريفة ياهانم وانت هنا مقضيها وبترقصى وبتتمايعى مع الرجالة ف الديسكوهات اهو ولا هو انا مش مالى عينك

زقتة يسر فص*رة بااقصى قوة ليها ونطقت بعصبية انا مسمحلكش تكلمنى بشكل دة وشيل ايدك دى من عليا بدل مااقطعهالك انت فاهم

حسام بعصبية جرها جامد من ايدها وخرج بيها برة الدسكو

وقالها انتى بتعملى معايا انا لية كدة

يسر بحدة عشان انا مش زى اى بنت عرفتها ومش هكون زى اى بنت عرفتها فاهمنى ياحسام بية

حسام بهدوء طيب ممكن نتكلم مع بعض شوية

يسر ببرود اممم هنتكلم ف اية مفيش بينى وبينك كلام صلا

حسام بنرفزة مش هاخد من وقتك كتير ياسلمى هانم

يسر بتفكير اوك اذا كان كدة مافيش مشكلة

حسام طب يلا اركبى نروح اى مكان هادى نتكلم فية

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

تفتكرو اية هيحصل مع يسر فى الحلقات الجاية

واية مصير حسام ويسر مع بعض ؟

خمنو واكتبولى رايك

#احببت_شرطية

#اسراء_جمال