"PAKIHATID ito kay Sir Khai."
Natigilan ako sa inutos sa akin ni Manang Cecilia.
"Puwede... puwede po bang kay Lily na lang? May gagawin pa po akong iba sa hardin," pagdadahilan ko.
Nakita ko kung paano niya ako pagkunootan ng noo pero kinalaunan ay tumango na lang. Inalis na niya ang atensiyon sa akin at bumaling kay Lily na kasa-kasama namin dito sa kusina. Kay Lily na niya inutos ang pagdadala ng agahan ni Khai sa kwarto nito.
Nang matapos sa paglilinis sa kusina ay tinungo ko na ang hardin para makaiwas na rin sa ibang mga kasama ko. Sa ngayon agy gusto ko munang mapag-isa.
Apektado pa rin ako sa natanto kagabi. Kaya ngayon, ni hindi ko magawang harapin si Khai. Kaya ipinasa ko na lang sa iba ang paghahatid sana ng agahan niya para makaiwas sa kanya.
Ngayong malinaw na sa akin an
