"MAMILI ka na ng kakainin mo."
"Kahit ano na lang," nahihiya kong sabi.
Nawala sa menu ang atensiyon niya at mabilis na naglipat ng tingin sa akin. Natigilan pa ako nang mapansing masyadong seryoso ang paraan ng pagkakatingin niya sa akin. Tila ba may mali sa sinabi ko.
"Just choose, Katie," mayamaya ay sabi niya matapos ako pagmasdan.
Tumango na lang ako para matapos na. Nag-angat na ako ng tingin sa menu at namili ng pagkaing o-order-in.
Ilang saglit din kaming naghintay bago naging handa ang order namin. Kukunin ko pa lang sana ang tray para ako na ang magbitbit nito patungo sa lamesa namin, ngunit naunahan na ako ni Khai na gawin 'yon.
"Teka, Sir Khai. Ako na riyan," habol ko pa.
Napanganga na lang ako nang hindi niya pinansin ang sinabi ko. Nagpatuloy siya sa paglalakad. Tumig
