Magkaakbay silang lumabas ng yungib bago tuluyang gumuho ito. Papadilim na ang buong paligid kung kaya nagmamadali silang lumabas ng kagubatan. Nang marating nila ang dalampasigan ay ganoon na lang ang gulat niya, maliban sa bangkang ginamit niya kanina ay naroon pa rin ang motor boat na sinakyan ni Lorenz.
Tumatakbong sumalubong sa kanila si Lorenz. Maaliwalas ang mukha nito.
“Mabuti at ligtas kayo,” wika nito na nakangiti.
“Do you remember him?” baling niya kay Jude. “Siya iyong company driver ng Ocean Enchantress. Siya ang tumulong sa akin na makilala si lolo Temyong. Malaki ang utang na loob ko sa kanya.”
“Yeah, I remember him. He likes you, I know.”
“He is a nice guy. He deserves a good girl also.” Pinili niyang ipagwalang-bahala ang tila pagseselos ng nobyo. Nang makalapit si
