Nang makalapit si Sara ay mabilis ang sumunod na kilos ni Jude. Sa isang iglap ay dumakot siya ng buhangin at isinaboy iyon sa engkantada, sapol ang mga mata nito. Bahagya itong napaurong nang ininda ang hapdi ng pagkakapuwing.
Tiyak naman ang sumunod na kilos ni Jude. Maliksing nitong nilundag ang kinaroroonan niya sabay suot sa kanya ng kuwintas.
Biglang nagliwanag ang medalyon paglapat sa katawan niya. Nagpalabas din ito ng kakaibang init na halos tumupok sa kanyang balat. Kakaiba ang puwersa na inilalabas nito ngayon. Ni hindi na niya nagawang tumayo mula sa pagkakaupo sa batuhan dahil sa malakas na kapangyarihan nito. Ngunit agad naman niyang naramdaman ang ginhawang dulot ng medalyon sa kaniyang katawan. Dahil dagling nawala ang sakit at bugbog niya mula sa pagkakahampas n
